រ៉ាម៉ាឡា៖ មន្ត្រីជាន់ខ្ពស់ប៉ាឡេស្ទីន បានបដិសេធការអះអាងរបស់អ៊ីស្រាអែល ដែលថាអាជ្ញាធរប៉ាឡេស្ទីន (PA) មិនអាចគ្រប់គ្រងតំបន់ វេសបែង ហើយកំពុងស្ថិតនៅលើផ្លូវ ឆ្ពោះទៅរកការដួលរលំ។
លោក Hussein Al-Sheikh អគ្គលេខាធិការនៃគណៈកម្មាធិការប្រតិបត្តិនៃអង្គការរំដោះប៉ាឡេស្ទីន (PLO) បានទម្លាយថា សំឡេងពីរដ្ឋាភិបាលអ៊ីស្រាអែល ភ្លេចថាយើងជាប្រជាជននៅក្រោមការកាន់កាប់ ហើយបញ្ហាកណ្តាលរបស់ប្រជាជនរបស់យើងគឺការរស់រានមានជីវិតនៃការកាន់កាប់នេះនៅលើទឹកដីរបស់យើង។
លោកក៏បានជំរុញអ៊ីស្រាអែលឱ្យទប់ស្កាត់ឧក្រិដ្ឋកម្ម និងអំពើហិង្សារបស់អ្នកតាំងលំនៅប្រដាប់អាវុធប្រឆាំងនឹងពលរដ្ឋប៉ាឡេស្ទីនស្លូតត្រង់ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
កាលពីដើមខែនេះ ប្រធានទីភ្នាក់ងារសន្តិសុខផ្ទៃក្នុងរបស់អ៊ីស្រាអែល Shin Bet លោក Ronen Bar បានឲ្យដឹងនៅក្នុងកិច្ចប្រជុំមួយជាមួយមន្ត្រីសហរដ្ឋអាមេរិកថា PA បានបាត់បង់ការគ្រប់គ្រងលើតំបន់ធំៗ នៅភាគខាងជើងតំបន់វេសបែង ដែលជំរុញឱ្យកងទ័ពអ៊ីស្រាអែលបង្កើនសកម្មភាពរបស់ខ្លួននៅទីនោះ។
វិទ្យុអ៊ីស្រាអែល ក៏បានរាយការណ៍ផងដែរថា លោក Bar បានព្រមានពីភាពយ៉ាប់យ៉ឺននៃស្ថានភាពរបស់អាជ្ញាធរប៉ាឡេស្ទីន និងការបាត់បង់សមត្ថភាពក្នុងការប្រតិបត្តិការនៅក្នុងតំបន់ទាំងនោះ។
ភាពតានតឹងរវាងអ៊ីស្រាអែល និងប៉ាឡេស្ទីននៅតំបន់វេសបែង និងយេរ៉ូសាឡឹមខាងកើត បានផ្ទុះឡើងចាប់តាំងពីដើមខែមករា បន្ទាប់ពីកងទ័ពអ៊ីស្រាអែលបានបង្កើនការវាយឆ្មក់ប្រចាំថ្ងៃរបស់ខ្លួនទៅលើទីក្រុង និងទីក្រុងប៉ាឡេស្ទីន ដើម្បីចាប់ខ្លួនជនជាតិប៉ាឡេស្ទីន ដែលចង់បានដោយអ៊ីស្រាអែល៕
ប្រែសម្រួល ឈូក បូរ៉ា
