បរទេស៖ ប្រធានាធិបតីរុស្សីលោក Vladimir Putin កាលពីថ្ងៃអង្គារម្សិលមិញនេះបានលើកឡើងថា កងកម្លាំងយោធារុស្សី និងក្រុមអ្នកអនុវត្តច្បាប់ទាំងអស់ គឺជាអ្នកដែលបានការពារប្រទេស រួចចេញពីជម្លោះ ដោយយោធានៅផ្ទៃក្នុង ប្រទេសជាប្រវត្តិសាស្ត្រមួយ របស់ប្រទេសកាលពីសប្តាហ៍កន្លងទៅ។
យោងតាមការចេញផ្សាយរបស់កាសែតរុស្សី RT បានឲ្យដឹងថាការសរសើរ របស់លោកប្រធានាធិបតីរុស្សីបានធ្វើឡើង គឺសំដៅទៅលើការបះបោរ ដោយយោធា ដែលធ្វើឡើងដោយក្រុមទាហានស៊ីឈ្នួល របស់ក្រុមហ៊ុន Wagner ដែលដឹកនាំដោយមហាសេដ្ឋីរុស្សីលោក Evgeny Prigozhin។
លោកប្រធានាធិបតីបានថ្លែងបែបនេះថា៖តាមពិត អ្នកទាំងអស់គ្នាគឺជាអ្នកដែលបានបញ្ឈប់សង្គ្រាមស៊ីវិល ដោយការអនុវត្តយ៉ាងជាក់លាក់ និងស្អិតរមួតបំផុតរវាងគ្នា។
ក្នុងនោះផងដែរលោកប្រធានាធិបតីក៏បានអំពាវនាវឱ្យមានភាពស្ងៀមស្ងាត់មួយនាទីដើម្បីសំដែងការចងចាំចំពោះយោធាដែលត្រូវបានសម្លាប់ដោយកងកម្លាំង Wagner ក្នុងអំឡុងពេលការបះបោរនេះផងដែរ៕
ប្រែសម្រួល៖ស៊ុនលី
