បរទេស៖ ការបញ្ចៀសពីការបះបោរ និងការនិរទេសខ្លួនរបស់មេដឹកនាំទាហានស៊ីឈ្នួល Wagner លោក Yevgeny Prigozhin ទៅកាន់ប្រទេសបេឡារុស ត្រូវបានគេកំណត់ដើម្បីពង្រីករបៀបវារៈលើសពីប្រទេសអ៊ុយក្រែន នៅក្នុងកិច្ចពិភាក្សានៅឯកិច្ចប្រជុំកំពូលប្រចាំឆ្នាំរបស់អង្គការណាតូនៅថ្ងៃទី១១-១២ ខែកក្កដា ខាងមុខ ។
យោងតាមសារព័ត៌មាន VOA ចេញផ្សាយកាលពីថ្ងៃទី២៨ ខែមិថុនា ឆ្នាំ២០២៣ បានឱ្យដឹងថា កិច្ចប្រជុំនេះនឹងប្រព្រឹត្តទៅនៅរដ្ឋធានី Vilnius នៃប្រទេសលីទុយអានី ដែលមានចម្ងាយត្រឹមតែ ៣៥គីឡូម៉ែត្រ ពីព្រំដែន នៃមូលដ្ឋានផ្ទះថ្មី របស់លោក Prigozhin ដោយបញ្ជាក់ពីភាពបន្ទាន់ ក្នុងការពង្រឹងផ្នែកខាងកើត របស់សម្ព័ន្ធភាព និងបង្កើនការចំណាយលើ វិស័យការពារជាតិ របស់បណ្តាប្រទេសរបស់ណាតូ។
វានៅតែមិនទាន់ច្បាស់ថាតើមានសមាជិកប៉ុន្មាននាក់ នៃកងទ័ពស៊ីឈ្នួលរបស់លោក Prigozhin ដែលនឹងអមដំណើរលោកទៅកាន់ប្រទេសបេឡារុស្ស ប៉ុន្តែការគិតរបស់ពួកគេក្នុងការបោះជំរុំ ត្រឹមតែប៉ុន្មានម៉ោងប៉ុណ្ណោះ គឺកំពុងតែនាំឱ្យមានការភ័យបារម្ភ នៅក្នុងបណ្តាប្រទេសបាល់ទិក រួមមាន ប្រទេសលីទុយអានី និង ប្រទេសឡាតវី ក៏ដូចជាប៉ូឡូញ។ បណ្តាប្រទេសទាំងនោះ មានព្រំប្រទល់ដី ជាមួយប្រទេសបេឡារុស។
ប្រទេសលីទុយអានី ឡាតវី និង ប្រទេសអេស្តូនី ភ្លាមៗបានជំរុញសមាជិកណាតូ ឱ្យពង្រឹងការការពាររបស់ពួកគេ។
ប្រធានាធិបតីលីទុយអានី លោក Gitanas Nauseda បាននិយាយ កាលពីថ្ងៃពុធថា “ប្រសិនបើក្រុមទាហានស៊ីឈ្នួល Wagner ពង្រាយឃាតកជាបន្តបន្ទាប់ របស់ខ្លួននៅក្នុងប្រទេសបេឡារុស្ស នោះគឺប្រទេសជិតខាងទាំងអស់ ប្រឈមនឹងគ្រោះថ្នាក់កាន់តែខ្លាំងនៃបញ្ហាអស្ថិរភាព” ។ លោកថា «ក្នុងកាលៈទេសៈបែបនេះ ការរារាំង និងការការពារទៅមុខ គឺជាអាទិភាពចម្បងមួយ»។
កិច្ចខិតខំប្រឹងប្រែងពង្រឹង បន្ទាយបានចាប់ផ្តើមភ្លាមៗ។ កាលពីថ្ងៃចន្ទ ប្រទេសអាល្លឺម៉ង់បានប្រកាសថា ខ្លួននឹងឈរជើងជាអចិន្ត្រៃយ៍ របស់ទាហានកងពលតូច ដែលមានកម្លាំងចំនួន ៤ ០០០ នាក់ នៅក្នុងប្រទេសលីទុយអានី ដែលជាអ្វីដែលទីក្រុង Vilnius បានទាមទារចាប់តាំង ពីការចាប់ផ្តើម នៃការលុកលុយរបស់រុស្ស៊ីលើអ៊ុយក្រែន។ រហូតដល់ការបះបោររបស់ Wagner ទីក្រុងប៊ែរឡាំងមានឆន្ទៈក្នុងការដាក់ពង្រាយកងទ័ពរបស់ខ្លួនទៅកាន់ប្រទេសលីទុយអានីជាបណ្តោះអាសន្នប៉ុណ្ណោះ៕
ប្រែសម្រួលៈ ណៃ តុលា
