ម៉ាឌ្រីត ៖ អ្នកជំនាញអេស្ប៉ាញ បានឲ្យដឹងថា ការបន្តមានអង្គការអូតង់ មិនមែនមានន័យថា នឹងគ្មានសន្តិភាពនៅអឺរ៉ុបនោះទេ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
លោក Pere Ortega ប្រធានកិត្តិយសនៃមជ្ឈមណ្ឌល Delas បានប្រាប់កាសែតស៊ិនហួ នៅក្នុងបទសម្ភាសន៍ផ្តាច់មុខនាពេលថ្មីៗនេះឲ្យដឹងថា “សហភាពអឺរ៉ុប ត្រូវបានបង្កើតឡើង ដើម្បីបញ្ចៀសជម្លោះក្នុងទ្វីបអឺរ៉ុប ហើយប្រទេស ដែលជាសមាជិក សហភាពអឺរ៉ុប បានសម្រេចនេះ ដែលជាផ្លូវត្រូវ ប៉ុន្តែយើងមិនអាចកម្ចាត់អន្តរាគមន៍ យោធារបស់សហរដ្ឋអាមេរិកបាននោះទេ” ។
គោលនយោបាយការបរទេស ដែលចុះចូលនៃបណ្តាប្រទេសអឺរ៉ុប គឺដោយសារតែការធ្វើអន្តរាគមន៍យោធាប្រដាប់អាវុធ របស់សហរដ្ឋអាមេរិក និងសម្ព័ន្ធមិត្តរបស់អង្គការណាតូ ។ អ្នកជំនាញមកពីមជ្ឈមណ្ឌលស្រាវជ្រាវឯករាជ្យ ដែលមានទីស្នាក់ការកណ្តាល ទីក្រុងបាសេឡូណា បានកត់សម្គាល់លើបញ្ហាទាក់ទង នឹងការរំសាយអាវុធ និងសន្តិភាព ។
លោក Ortega បានលើកឡើងថា “បន្ទាប់ពីការបញ្ចប់នៃសង្រ្គាមត្រជាក់ ណាតូ គួរតែបាត់ខ្លួនដោយហេតុផល ប៉ុន្តែវាមិនបានសម្រេច ហើយនៅតែស្វែងរកសត្រូវថ្មី”។
វាបានក្លាយទៅជាស្លាបប្រដាប់អាវុធរបស់សហរដ្ឋអាមេរិក និងប្លុកមូលធននិយមលោកខាងលិច “ហើយចាប់ពីចុងបញ្ចប់នៃសង្រ្គាមត្រជាក់ វាជាកន្លែងដែលវាចូលចិត្តធ្វើអន្តរាគមន៍ និងទម្លាក់គ្រាប់បែកតាមដែលខ្លួនពេញចិត្ត” ដែលបណ្តាលឱ្យមានសង្រ្គាមជាច្រើន និងជម្លោះក្នុងតំបន់។
លោក Ortega បានបន្ដថា មូលហេតុចម្បងមួយនៃវិបត្តិអ៊ុយក្រែន បច្ចុប្បន្នគឺការពង្រីកទៅទិសខាងកើតរបស់អង្គការណាតូចាប់តាំងពីទសវត្សរ៍ឆ្នាំ១៩៩០ និងសម្ពាធដែលខ្លួនបាន និងកំពុងដាក់លើរុស្ស៊ី។
លោកបានកត់សម្គាល់ថា “អង្គការណាតូបានសន្យា អតីតមេដឹកនាំសហភាព សូវៀតលោក Mikhail Gorbachev ថា ខ្លួននឹងមិនពង្រីកឆ្ពោះ ទៅព្រំដែនរបស់រុស្ស៊ីនោះទេ ប៉ុន្តែនេះគឺជាការសន្យាទទេ”៕
