ហ្សាការតា៖ ទីភ្នាក់ងារ ព័ត៌មាន Kyodo បានចុះផ្សាយ នៅថ្ងៃទី១៣ ខែកក្កដា ឆ្នាំ២០២៣ថា នៅថ្ងៃព្រហស្បតិ៍នេះ រដ្ឋាភិបាលបានឲ្យដឹងថា រដ្ឋមន្ត្រីការបរទេស ជប៉ុន និងកូរ៉េខាងត្បូង បានអះអាងជាថ្មី នូវកិច្ចសហប្រតិបត្តិការ យ៉ាងជិតស្និទ្ធ ក្នុងការដោះស្រាយជាមួយនឹង ការគំរាមកំហែង ផ្នែកយោធា របស់ប្រទេសកូរ៉េខាងជើង ដោយថ្កោលទោស ការបាញ់មីស៊ីលផ្លោងអន្តរទ្វីប កាលពីមួយថ្ងៃមុន ។
រដ្ឋាភិបាលជប៉ុនបានឲ្យដឹង នៅក្នុងអំឡុងកិច្ចប្រជុំ របស់ពួកគេនៅទីក្រុងហ្សាការតា លោក Yoshimasa Hayashi រដ្ឋមន្ត្រី ការបរទេស ក៏បានសន្យាជាមួយសមភាគី កូរ៉េខាងត្បូង លោក Park Jin ថា ក្រុងតូក្យូ នឹងបញ្ចេញទឹកវិទ្យុសកម្ម ដែលត្រូវបានចម្បាញ់ ចេញពីរោងចក្រនុយក្លេអ៊ែរ Fukushima ដែលខូចចូល ទៅក្នុងសមុទ្រ ។
ចំពោះកិច្ចពិភាក្សា របស់ពួកគេត្រូវបានធ្វើឡើង នៅជិតចុងបញ្ចប់ នៃកិច្ចប្រជុំថ្នាក់រដ្ឋមន្ត្រីការបរទេស នៃសមាគមប្រជាជាតិ អាស៊ីអាគ្នេយ៍ (អាស៊ាន) ជាមួយបណ្តាប្រទេស ដៃគូរហូតដល់ថ្ងៃសុក្រ ។
រដ្ឋាភិបាលជប៉ុនបានឲ្យដឹង កាលពីថ្ងៃពុធ ប្រទេសកូរ៉េខាងជើង បានបាញ់មីស៊ីលឆ្លងទ្វីប ហៅថា ICBM ជាលើកដំបូងរបស់ខ្លួន ចាប់តាំងពីខែមេសា ឆ្ពោះទៅកាន់សមុទ្រជប៉ុន លើគន្លងរយៈកម្ពស់ “ខ្ពស់” បំផុត ដែលបានកំណត់ពេលវេលា ហោះហើររយៈពេល៧៤នាទី សម្រាប់ការបាញ់បង្ហោះ ដោយប្រទេសមួយនេះ ៕
ប្រែសម្រួលដោយ៖ ម៉ៅ បុប្ផាមករា
