បរទេស៖ ទីភ្នាក់ងារចិនស៊ិនហួចេញផ្សាយនៅថ្ងៃនេះបានឲ្យដឹងថា ប្រទេសអ៊ុយក្រែន ទើបតែបានទទួលនូវកញ្ចប់ថវិកាជំនួយថ្មីមួយ ដែលមានទំហំប្រមាណជា៣,៨៧ពាន់លានដុល្លារពីដៃគូរបស់ខ្លួនជាច្រើន សម្រាប់កម្មវិធីនិងគម្រោងស្តារប្រទេសឡើងវិញ។
រដ្ឋមន្ត្រីហិរញ្ញវត្ថុលោក Serhiy Marchenko បានបញ្ជាក់ថា ក្នុងចំណោមនោះទឹកប្រាក់ដែលមានទំហំប្រមាណជា២,៦ពាន់លានដុល្លារ នឹងត្រូវប្រើប្រាស់ក្នុងកិច្ចការងារស្តារហេដ្ឋារចនាសម្ព័ន្ធធំៗ ប្រមាណជា១៦០លានដុល្លារសម្រាប់ការងារជំនួយមនុស្ស។
រដ្ឋមន្ត្រីរូបនេះបានសង្កត់ធ្ងន់ថា កម្មវិធី នៃការកសាងឡើងវិញយ៉ាងឆាប់រហ័សគឺជាអាទិភាពសំខាន់ សម្រាប់រដ្ឋាភិបាល ព្រោះថាវារួមចំណែកដល់ការស្តារសេដ្ឋកិច្ចរបស់ប្រទេស និងបង្កើតជីវភាពរស់នៅប្រកបដោយសុវត្ថិភាពសម្រាប់ប្រជាជនរបស់ខ្លួន។
គួរឲ្យដឹងឌែរថារដ្ឋាភិបាលអ៊ុយក្រែន បានប៉ាន់ប្រមាណថា ការស្ទុះងើបឡើងវិញយ៉ាងឆាប់រហ័សរបស់ប្រទេសនេះ ត្រូវការថវិកាយ៉ាងហោចណាស់ដល់ចំនួន ១៤,១ ពាន់លានដុល្លារនៅឆ្នាំនេះ៕ ប្រែសម្រួល៖ស៊ុនលី
