សេអ៊ូល៖ ទិន្នន័យការិយាល័យគយបានបង្ហាញថា ការនាំចេញរបស់កូរ៉េខាងត្បូង បានធ្លាក់ចុះជាងពីរខ្ទង់ សម្រាប់រយៈពេល ២០ថ្ងៃដំបូងនៃខែនេះ ដោយសារតែតម្រូវការទន់ សម្រាប់គ្រឿងអេឡិចត្រូនិក ដែលផលិតក្នុងស្រុក និងតម្លៃផលិតផលប្រេងទាប។
ការដឹកជញ្ជូនចេញទៅក្រៅប្រទេសបានធ្លាក់ចុះ ១៥,២ ភាគរយធៀបនឹងឆ្នាំមុនមកត្រឹម ៣១,២៣ពាន់លានដុល្លារអាមេរិក ក្នុងអំឡុងពេលថ្ងៃទី០១-២០ ខែកក្កដា នេះបើយោងតាមសេវាគយកូរ៉េ។
ការនាំចេញជាមធ្យមប្រចាំថ្ងៃបានធ្លាក់ចុះ ១៥,២ ភាគរយក្នុងរយៈពេល ២០ថ្ងៃ។ ការនាំចេញរបស់ប្រទេសនេះ បានបន្តធ្លាក់ចុះ សម្រាប់រយៈពេល ៩ខែជាប់ៗគ្នារហូតដល់ខែមិថុនា ដោយសារតម្រូវការសកល ដែលខ្សោយ សម្រាប់ផលិតផល ដែលផលិតក្នុងស្រុក។
ការនាំចូលបានធ្លាក់ចុះ ២៨ ភាគរយដល់ ៣២,៥៩ ពាន់លានដុល្លារក្នុងរយៈពេល ២០ ថ្ងៃដែលបញ្ជូនឱនភាពពាណិជ្ជកម្មដល់ ១,៣៦ ពាន់លានដុល្លារ។ ការនាំចេញ semiconductor បានធ្លាក់ចុះ ៣៥,៤ ភាគរយក្នុងរយៈពេលដែលបានលើកឡើង ដោយរក្សានិន្នាការធ្លាក់ចុះចាប់តាំងពីខែសីហាឆ្នាំមុន។
ការដឹកជញ្ជូនចេញទៅក្រៅប្រទេសសម្រាប់ផលិតផលប្រេង ដែក និងឧបករណ៍ចល័តបានធ្លាក់ចុះក្នុងតួលេខទ្វេរដង ប៉ុន្តែការដឹកជញ្ជូនតាមរថយន្តបានកើនឡើងជាពីរខ្ទង់ ដោយសារតម្រូវការខ្ពស់ សម្រាប់យានយន្ត ដែលមិនប៉ះពាល់ដល់បរិស្ថាន។
ការនាំចូលសម្រាប់ប្រេងឆៅ ឧស្ម័នធម្មជាតិ និងធ្យូងថ្មទាំងអស់បានកត់ត្រាការធ្លាក់ចុះពីរខ្ទង់ក្នុងរយៈពេល ២០ ថ្ងៃ ដោយសម្រាប់បន្ទះឈីប គ្រឿងម៉ាស៊ីន និងឧបករណ៍ semiconductor ធ្លាក់ចុះក្នុងតួលេខទ្វេរដង៕
ប្រែសម្រួល ឈូក បូរ៉ា
