ហាវ៉ាណា៖ ប្រធានាធិបតីគុយបាលោក Miguel Diaz-Canel បានថ្កោលទោសការដាក់ទណ្ឌកម្ម របស់សហរដ្ឋអាមេរិក ចំពោះការខូចខាតសេដ្ឋកិច្ច របស់កោះមួយនេះ។
ថ្លែងទៅកាន់សមាជិកសភា នៅសភាជាតិនៃអំណាចប្រជាជន របស់ប្រទេសគុយបា នៅទីក្រុងហាវ៉ាណា លោកបានឲ្យដឹងថា ការហ៊ុមព័ទ្ធរបស់សហរដ្ឋអាមេរិក គឺជាកត្តាខាងក្រៅដែលប៉ះពាល់ ដល់ការអភិវឌ្ឍន៍សេដ្ឋកិច្ច របស់ប្រទេសការាបៀន។
លោកបានលើកឡើងថា “កត្តាខាងក្រៅដ៏ធំនេះធ្វើឲ្យមានឥទ្ធិពល ប្រឆាំងនឹងការអភិវឌ្ឍរបស់ប្រទេស” ដោយបន្ថែមថាមូលធននិយមបានបង្កើនវិសមភាពនិងការមិនរាប់បញ្ចូល នៅទូទាំងពិភពលោក។
លោក Diaz-Canel បានបម្ដថា សង្រ្គាមសេដ្ឋកិច្ចរបស់សហរដ្ឋអាមេរិក លើប្រទេសគុយបា វិបត្តិសេដ្ឋកិច្ចពិភពលោក ល្បឿនយឺតនៃការងើបឡើងវិញ ក្រោយជំងឺរាតត្បាត និងជម្លោះសង្រ្គាមប៉ះពាល់អវិជ្ជមានដល់ យុទ្ធសាស្ត្រស្តារសេដ្ឋកិច្ចរបស់កោះនេះ។
លោកបានបន្តថា វិធានការដែលបានអនុម័តដោយមិន បានបំពេញតាមលទ្ធផលដែលបាន រំពឹងទុកបង្ហាញពីនិន្នាការស្ទុះងើបឡើងវិញបន្តិច។ លោកបានបញ្ជាក់ទៀតថា សេដ្ឋកិច្ចគុយបា ត្រូវបានព្យាករថា នឹងអនុវត្តកម្មវិធីបំប្លែងរចនាសម្ព័ន្ធ និងកម្មវិធីស្ថិរភាពម៉ាក្រូសេដ្ឋកិច្ច ក្នុងរយៈពេលបីឆ្នាំខាងមុខ ដែលនឹងផ្តល់អត្ថប្រយោជន៍ដល់ការផ្តល់ មូលនិធិអភិវឌ្ឍន៍នៅពាក់កណ្តាលអាណត្តិ ៕
ប្រែសម្រួល ឈូក បូរ៉ា
