បរទេស ៖ រដ្ឋាភិបាលទីក្រុង Tallinn បានប្រកាសនឹងផ្គត់ផ្គង់ កញ្ចប់យោធាថ្មី ដែលមានកាំភ្លើងខ្លី ប្រមាណជា១៥០ដើមបូក រួមទាំងគ្រាប់កាំភ្លើងមួយចំនួនផង ទៅឲ្យប្រទេសអ៊ុយក្រែន ។
កញ្ចប់ជំនួយយោធាថ្មី ដែលប្រកាសឡើង ដោយរដ្ឋមន្ត្រីក្រសួងការពារជាតិ លោក Hanno Pevkur កាលពីថ្ងៃម្សិលមិញនេះ នៅក្នុងកិច្ចប្រជុំគណៈរដ្ឋមន្ត្រី ដោយក្នុងនោះកញ្ចប់ថវិកា បានទទួលការគាំទ្រយ៉ាងខ្លាំង ពីសំណាក់រដ្ឋមន្ត្រីទាំងអស់។
យោងតាមការចេញ ផ្សាយ របស់ RT រដ្ឋមន្ត្រីការពារជាតិរូបនេះ បានពោលថា ពួកយើងត្រូវតែគាំទ្រ អ៊ុយក្រែន ដើម្បីការប្រយុទ្ធរបស់គេប្រឆាំង ទៅនឹងប្រទេសរុស្សី ។ សាជាថ្មីពួកយើង បានរកឃើញមានវិធីសាស្ត្រខ្លះ ដែលយើងអាចជួយទៅដល់ កិច្ចការងារនេះ ជាមួយនឹងអ៊ុយក្រែន។
គួរឲ្យដឹងដែរថាប្រទេស អេស្តូនី ស្ថិតនៅក្នុងចំណោមប្រទេស ដែលមានសកម្មភាព ក្នុងការជួយគាំទ្រទាំងផ្នែកសព្វាវុធ និងហិរញ្ញវត្ថុបំផុតឲ្យប្រទេស អ៊ុយក្រែន ដោយក្នុងនោះសហរដ្ឋអាមេរិក គឺជាអ្នកនាំមុខគេបំផុត ។
ប្រែសម្រួល៖ស៊ុនលី
