គៀវ៖ ក្រសួងហិរញ្ញវត្ថុរបស់ប្រទេសបានឲ្យដឹងថា ប្រទេសអ៊ុយក្រែនបានទទួលប្រាក់ចំនួន ១២ពាន់លានអឺរ៉ូ ប្រហែល ១៣ពាន់លានដុល្លារអាមេរិក នៅក្នុងជំនួយថវិកាពីសហភាពអឺរ៉ុប ចាប់តាំងពីដើមឆ្នាំនេះ។
ក្រសួងបានឲ្យដឹងនៅក្នុងសេចក្តីថ្លែងការណ៍មួយថាក្នុងចំណោមទឹកប្រាក់សរុបចំនួន ១,៥ពាន់លានអឺរ៉ូត្រូវបានបង់ទៅឱ្យអ៊ុយក្រែន នៅមុនថ្ងៃដែលជាជំនួយទី៧ នៃកញ្ចប់ជំនួយម៉ាក្រូហិរញ្ញវត្ថុរបស់សហភាពអឺរ៉ុប។
សេចក្តីថ្លែងការណ៍បានបន្ថែមថា ដូចក្នុងរយៈពេលមុនដែរ អ៊ុយក្រែន នឹងដឹកនាំកម្ចីដើម្បីផ្តល់ហិរញ្ញប្បទានដល់ការចំណាយថវិកាជាអាទិភាពរបស់ខ្លួន រួមទាំងវិស័យសង្គម និងមនុស្សធម៌។
នៅខែធ្នូឆ្នាំ២០២២ សហភាពអឺរ៉ុប បានបែងចែក ១៨ ពាន់លានអឺរ៉ូជាជំនួយម៉ាក្រូហិរញ្ញវត្ថុ សម្រាប់អ៊ុយក្រែនក្នុងឆ្នាំ២០២៣ ដើម្បីជួយប្រទេស ដែលរងផលប៉ះពាល់ដោយជម្លោះគ្របដណ្តប់តម្រូវការថវិកាបន្ទាន់របស់ខ្លួន។
កិច្ចព្រមព្រៀងប្រាក់កម្ចីរយៈពេល ៣៥ឆ្នាំចែងថាបណ្តាប្រទេសសហភាពអឺរ៉ុប នឹងគ្របដណ្តប់លើការប្រាក់ និងការទូទាត់ទាក់ទងនឹងបំណុលផ្សេងទៀតជំនួសឱ្យអ៊ុយក្រែន៕ ប្រែសម្រួល ឈូក បូរ៉ា
