បរទេស៖ ក្រុមមួយដែលហៅខ្លួនឯងថា ជាបណ្តាញប្រជាជន និងនិស្សិតសម្រាប់កំណែទម្រង់របស់ប្រទេសថៃ នៅថ្ងៃព្រហស្បតិ៍នេះ បានបញ្ជូនញត្តិទៅក្រសួងយុត្តិធម៌ ដោយនិយាយថា អតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត្រា កំពុងទទួលបានការព្យាបាលពិសេសក្នុងពេលកំពុងជាប់ទោស។
យោងតាមសារព័ត៌មាន The Nation ចេញផ្សាយនៅថ្ងៃទី២៤ ខែសីហា ឆ្នាំ២០២៣ បានឱ្យដឹងថា លោក Sahakar Petchnarin មន្រ្តីជាន់ខ្ពស់ក្រសួងយុត្តិធម៌បានទទួលយកញត្តិនេះ ប៉ុន្តែបាននិយាយថា ការឆ្លើយតបរបស់ក្រសួងចំពោះករណីលោក ថាក់ស៊ីន គឺស្របតាមស្តង់ដារក្រមសីលធម៌សុខភាព។
លោក Sahakarn បានពន្យល់ថា លោកថាក់ស៊ីនត្រូវការការព្យាបាលបង្ការដែលនឹងមានរយៈពេលប្រហែល ១០ ថ្ងៃ។
លោកបានបន្តថា បន្ទាប់មក លោកនឹងត្រូវបានប្រព្រឹត្តដូចអ្នកទោសផ្សេងទៀត រួមទាំងកាត់សក់ និងស្លៀកសម្លៀកបំពាក់ពន្ធនាគារ។
យ៉ាងណាក៏ដោយ ក្រុមនេះបានឆ្លើយតបដោយនិយាយថា “គេមិនជឿថា លោក ថាក់ស៊ីនមានបញ្ហាសុខភាព នោះទេ”៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
