តូក្យូ៖ ប្រភពព័ត៌មានបានឲ្យដឹងថា កម្រិតវិទ្យុសកម្ម នៃសំណាកទឹកសមុទ្រដំបូង ដែលប្រមូលបានដោយក្រសួងបរិស្ថានចាប់តាំងពីរោងចក្រថាមពលនុយក្លេអ៊ែរហ្វូគូស៊ីម៉ា ដែលបានចាប់ផ្តើមបញ្ចេញទឹក ដែលត្រូវបានព្យាបាល គឺទាបជាងដែនកំណត់ ដែលអាចរកឃើញបាន។
ផ្អែកលើការវិភាគ នៃសំណាកទឹកសមុទ្រនៅព្រឹកថ្ងៃសុក្រ កំហាប់នៃសារធាតុ tritium ដែលជាសារធាតុវិទ្យុសកម្ម ដែលមិនអាចដកចេញបាន សូម្បីតែបន្ទាប់ពីការព្យាបាលទឹកកខ្វក់ដែលបានបង្កើតនៅរោងចក្រហ្វូគូស៊ីម៉ា ស្ថិតក្នុងកម្រិតដែល “នឹងមិនមានឥទ្ធិពលអាក្រក់ដល់សុខភាពមនុស្សនិងបរិស្ថាននោះទេ”។
ចំពេលមានការព្រួយបារម្ភជាសាធារណៈនៅក្នុងប្រទេសជិតខាង ដូចជាប្រទេសចិន រដ្ឋាភិបាលជប៉ុន បាននឹងកំពុងបង្កើនកិច្ចខិតខំប្រឹងប្រែងត្រួតពិនិត្យវិទ្យុសកម្មរបស់ខ្លួន ចាប់តាំងពីខ្លួនបានចាប់ផ្តើមកាលពីថ្ងៃព្រហស្បតិ៍ ដំណើរការអស់ជាច្រើនទសវត្សរ៍ ដើម្បីបញ្ចេញទឹកវិទ្យុសកម្មដែលត្រូវបានព្យាបាលចេញពីបរិវេណរោងចក្រនុយក្លេអ៊ែរ Fukushima Daiichi ។
ទីភ្នាក់ងារជលផលបានប្រកាសកាលពីថ្ងៃសៅរ៍ថាមិនបានរកឃើញបរិមាណសារធាតុ tritium ត្រូវបានរកឃើញនៅក្នុងសំណាកត្រីដំបូង ដែលត្រូវបានគេយកនៅក្នុងទឹកក្បែររោងចក្រនោះទេ នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
បរិមាណដ៏ច្រើន នៃទឹកកខ្វក់ត្រូវបានបង្កើតនៅក្នុងដំណើរការ នៃឥន្ធនៈម៉ាស៊ីនត្រជាក់នៅក្នុងរោងចក្រ ដែលបានទទួលរងនូវការរលាយស្នូល ដែលបង្កឡើងដោយការរញ្ជួយដី និងរលកយក្សស៊ូណាមិកាលពីខែមីនា ឆ្នាំ២០១១៕ ប្រែសម្រួល ឈូក បូរ៉ា
