បរទេស៖ នៅក្នុងការអញ្ជើញអាហារពេលល្ងាចជាផ្លូវការរបស់ក្រុមប្រទេស G20 ដែលចេញដោយលោកស្រី ប្រធានាធិបតី Droupadi Murmu ដែលសំដៅលើលោកស្រីថាជា “ប្រធានាធិបតីរបស់ Bharat” ជាជាងប្រទេសឥណ្ឌា បានបង្កើនការរំពឹងទុកកាលពីថ្ងៃអង្គារថា ប្រទេសអាស៊ីមួយនេះអាចចាប់ផ្តើមដំណើរការផ្លាស់ប្តូរឈ្មោះរបស់ខ្លួននៅដើមខែនេះ, នេះបើតាមប្រព័ន្ធផ្សព្វផ្សាយក្នុងស្រុកបានរាយការណ៍។
យោងតាមសារព័ត៌មាន RT ចេញផ្សាយកាលពីថ្ងៃទី៥ ខែកញ្ញា ឆ្នាំ២០២៣ បានឱ្យដឹងថា ការអញ្ជើញដែលត្រូវបានផ្សព្វផ្សាយយ៉ាងទូលំទូលាយនៅលើប្រព័ន្ធផ្សព្វផ្សាយសង្គមរួមជាមួយនឹងការដាក់ពាក្យថា President Of Bharat ឬ ប្រធានាធិបតី ផារ៉ាត់ត្រូវបានបញ្ចេញឱ្យដឹងទៅកាន់មេដឹកនាំពិភពលោកនានាដើម្បីជំនះពួកគេឱ្យចូលរួមអាហារពេលល្ងាចនៅថ្ងៃសៅរ៍នៅមជ្ឈមណ្ឌលសន្និបាត Bharat Mandapam ក្នុងទីក្រុង New Delhi ដែលជាកន្លែងសម្រាប់កិច្ចប្រជុំកំពូល G20 នៅថ្ងៃទី៩ និង ១០ ខែកញ្ញា។
លោក Harnath Singh Yadav មកពីគណបក្ស Bharatiya Janata បានប្រាប់ទីភ្នាក់ងារព័ត៌មាន ANI ថា “ពាក្យ ‘ឥណ្ឌា” គឺជាផ្តល់ឱ្យយើងដោយបំពានដោយជនជាតិអង់គ្លេស ចំណែកឯពាក្យ “Bharat ផារ៉ាត់” គឺជានិមិត្តសញ្ញានៃវប្បធម៌របស់យើង” ។
ការរំពឹងទុកនេះបានកើតឡើងនៅពេលដែលសារព័ត៌មាន India Today បានរាយការណ៍កាលពីថ្ងៃអង្គារថា ដំណោះស្រាយដើម្បីប្តូរឈ្មោះជាផ្លូវការប្រទេសឥណ្ឌាជា Bharat អាចត្រូវបានពិភាក្សាដោយរដ្ឋាភិបាលនៅក្នុងសម័យប្រជុំសភាពិសេសដែលគ្រោងធ្វើនៅចុងខែនេះ។ ទោះយ៉ាងណាក៏ដោយ របៀបវារៈសម្រាប់សម័យប្រជុំនាពេលខាងមុខ មិនទាន់ត្រូវបានផ្សព្វផ្សាយជាសាធារណៈនៅឡើយទេ ដូច្នេះវានៅតែមិនទាន់ច្បាស់ថាតើសំណើនេះនឹងត្រូវដាក់ឱ្យប្រើប្រាស់ជាផ្លូវការឬយ៉ាងណា។
ភាសាបច្ចុប្បន្នក្នុងរដ្ឋធម្មនុញ្ញរបស់ខ្លួនសំដៅទៅលើប្រទេសនេះថាជា «ប្រទេសឥណ្ឌា នោះគឺរដ្ឋបារ៉ាត់នឹងក្លាយជារដ្ឋជារដ្ឋមួយ…»។ ឥស្សរជននយោបាយមួយចំនួនបានគាំទ្រការប្តូរឈ្មោះ រួមទាំងលោក Mohan Bhagwat នៃគណបក្សនយោបាយស្តាំនិយម Rashtriya Swayamsevak Sangh (RSS) ដែលបានអំពាវនាវឱ្យពលរដ្ឋប្រើពាក្យដែលបានធ្វើបច្ចុប្បន្នភាព។
ឈ្មោះ ផារ៉ាត់ (Bharat) គឺមកពី ផារ៉ាតា (Bharata) ឈ្មោះសម្រាប់ប្រទេសឥណ្ឌាជាភាសាជាច្រើនរបស់ប្រទេស ដែលមកពីអក្សរសិល្ប៍ហិណ្ឌូ។ ដំបូងឡើយ Bharata សំដៅទៅលើតែតំបន់ភាគខាងលិចនៃជ្រលង Gangetic មុនពេលវាត្រូវបានគេប្រើយ៉ាងទូលំទូលាយដើម្បីពិពណ៌នាអំពីអនុទ្វីបឥណ្ឌា និងតំបន់នៃ Greater India ។ ពាក្យ Bharata ជាទូទៅត្រូវបានគេប្រើជំនួសគ្នាជាមួយ ‘ឥណ្ឌា’ ៕
ប្រែសម្រួលៈ ណៃ តុលា
