បរទេស៖ ចក្រភពអង់គ្លេស កាលពីថ្ងៃសុក្រម្សិលមិញនេះបានប្រកាសជាផ្លូវការហើយថាក្រុមទាហានឈុតប៉ារ៉ា Wagner គឺជាអង្គការភេរវកម្មដែលការសម្រេចចិត្តនេះនឹងធ្វើឲ្យច្បាប់អាចចែងថា ក្លាយជាសមាជិក ឬគាំទ្រក្រុមអង្គភាពនេះនឹងក្លាយទៅជាទោសឧក្រិដ្ឋកម្មដែលត្រូវបានកំណត់ទោស។
សេចក្តីប្រកាសបានបន្ថែមថា បទបញ្ជាដែលចូលជាធរមានដោយ មានប្រសិទ្ធិភាពភ្លាមៗ ហាមឃាត់គ្រប់ទម្រង់នៃការគាំទ្រណាមួយសម្រាប់ក្រុម និងផ្តល់អំណាចដើម្បីដាក់ ការកាត់ទោសជាប់គុកយ៉ាងហោចណាស់១៤ឆ្នាំនិងបូករួមទាំងការផាកពិន័យផងដែរ។
ការគាំទ្រសម្រាប់ក្រុមត្រូវបានកំណត់ដោយលក្ខខណ្ឌផ្សេងៗ រួមទាំងសមាជិកភាព ការចូលរួម ឬរៀបចំការប្រជុំ ដើម្បីបន្ថែមមហិច្ឆតារបស់ក្រុម ឬការបង្ហាញទង់ ឬនិមិត្តសញ្ញា Wagner ជាដើម។
គួរឲ្យដឹងដែរថាWagner Group គឺជាតួអង្គងដ៏លេចធ្លោមួយនៅទូទាំងការវាយលុករបស់ទីក្រុងមូស្គូក្នុងប្រទេសអ៊ុយក្រែន ដែលជារឿយៗធ្វើការរួមគ្នាជាមួយយោធារបស់រុស្ស៊ី។ វាក៏មានវត្តមានយ៉ាងសំខាន់ក្នុងប្រទេសស៊ីរី និងប្រទេសមួយចំនួនក្នុងទ្វីបអាហ្វ្រិក៕ ប្រែសម្រួល៖ស៊ុនលី
