បរទេស ៖ យោងតាមការចេញផ្សាយរបស់ RT បានឲ្យដឹងថាការិយាល័យកិច្ចការងារ ការបរទេសរបស់ចក្រភពអង់គ្លេស បានដាក់ការរឹតត្បិតមួយចំនួនទៅ លើការធ្វើដំណើរលើអ្នក ការទូតរុស្ស៊ី ដោយតម្រូវឱ្យពួកគេជូនដំណឹង ដល់អាជ្ញាធរអង់គ្លេស មុនពេលធ្វើដំណើរហួស ពីទំនួលខុសត្រូវ។
ប្រភពដដែលបានសរសេរទៀត ការសម្រេចចិត្តនេះបានធ្វើឡើងគឺ ជាការឆ្លើយតបទៅនឹងប្រទេសរុស្សី ដែលកន្លងមកក្រសួងការបរទេសរុស្ស៊ី បានប្រកាសច្បាប់ ស្រដៀងគ្នាសម្រាប់អ្នក ការទូតអង់គ្លេសកាលពីខែកក្កដា។
អនុរដ្ឋលេខាធិការសភា ចក្រភពអង់គ្លេស នៅឯការិយាល័យ ការបរទេសលោក Leo Dochertyបានសរសេរនៅក្នុង សេចក្តីថ្លែងការណ៍មួយនៅលើគេហទំព័រ សភាចក្រភពអង់គ្លេសកាលពីថ្ងៃចន្ទ ៖ដើម្បីឆ្លើយតបទៅនឹងការសម្រេចចិត្ត របស់រុស្ស៊ីក្នុងការដាក់លក្ខខណ្ឌ នៃការជូនដំណឹងអំពីការ ធ្វើដំណើរលើអ្នកការទូតអង់គ្លេសនៅក្នុងប្រទេសរុស្ស៊ី យើងបានណែនាំលក្ខខណ្ឌតម្រូវ នៃការជូនដំណឹងអំពីការធ្វើដំណើរ ទៅវិញទៅមកសម្រាប់អ្នកការទូតរុស្ស៊ី ដែលទទួលស្គាល់ដោយស្ថានទូតរុស្ស៊ីនៅទីក្រុងឡុងដ៍ និងស្ថានអគ្គកុងស៊ុលនៅទីក្រុង Edinburghដែរ។
ក្រោមបទប្បញ្ញត្តិរបស់រុស្ស៊ី បុគ្គលិកនៅស្ថានទូត អង់គ្លេសនៅទីក្រុងមូស្គូ និងអគ្គកុងស៊ុលនៅទីក្រុង Yekaterinburg តម្រូវឱ្យជូនដំណឹងដល់អាជ្ញាធររុស្ស៊ី ប្រាំថ្ងៃមុនពេលធ្វើដំណើរលើសពី១២០គីឡូម៉ែត្រពីអគារការិយាល័យរបស់ពួកគេ៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
