គៀវ៖ ក្នុងអំឡុងពេល នៃជម្លោះនេះ សហរដ្ឋអាមេរិក និងសម្ព័ន្ធមិត្តណាតូ បានផ្គត់ផ្គង់យ៉ាងអន្ទះសារ ដល់របបក្នុងទីក្រុងគៀវ ជាមួយនឹងអាវុធ និងឧបករណ៍យោធាជាច្រើនប្រភេទ រាប់ចាប់ពីអាវុធធុនតូច និងគ្រឿងសឹក រហូតដល់ប្រព័ន្ធរ៉ុក្កែតជាច្រើន និងរថក្រោះប្រយុទ្ធសំខាន់ៗ ផ្សេងទៀត។
នៅពេលដែលជម្លោះអ៊ុយក្រែន កើនឡើងនៅឆ្នាំ២០២២ ហើយកងកម្លាំងរបស់ទីក្រុងគៀវ បានរកឃើញថា ពួកគេនៅជួរមុខនៃសង្គ្រាមប្រូកស៊ីរបស់អង្គការណាតូ ប្រឆាំងនឹងរុស្ស៊ី សហរដ្ឋអាមេរិក និងសម្ព័ន្ធមិត្តនៅអឺរ៉ុប ដំបូងបង្ហាញខ្លឹមសារដើម្បីផ្តល់ការគាំទ្រផ្នែកយោធា ដែលមានកម្រិត ខណៈពេលដែលក្នុងពេលដំណាលគ្នា កំពុងព្យាយាមធ្វើឱ្យរុស្ស៊ី ធ្លាក់ចុះដោយទណ្ឌកម្ម សេដ្ឋកិច្ចដ៏ធ្ងន់ធ្ងរ។
ដោយសារសង្គ្រាម សេដ្ឋកិច្ចប្រឆាំងនឹងរុស្ស៊ីបង្ហាញថា គ្មានប្រសិទ្ធភាព ហើយអ៊ុយក្រែន បានបង្ហាញថា ខ្លួនមានសមត្ថភាព គ្រប់គ្រាន់ក្នុងការបាត់បង់ផ្នែករឹងយោធាក្នុងការប្រយុទ្ធ ប៉ុន្តែមិនល្អក្នុងការជំនួសវា អ្នកឧបត្ថម្ភរបស់ទីក្រុងគៀវ បានសម្រេចចិត្តប្តូរឧបករណ៍ ហើយចាប់ផ្តើមផ្តល់អាវុធដ៏ខ្លាំងក្លា កាន់តែច្រើនឡើង។
នៅមុនខែកុម្ភៈ ឆ្នាំ២០២២ សហរដ្ឋអាមេរិក និងក្រុមរបស់ខ្លួនបានផ្គត់ផ្គង់អ៊ុយក្រែន ភាគច្រើនជាមួយនឹងអាវុធ “ការពារ” ដូចជាកាំជ្រួចប្រឆាំងរថក្រោះចល័ត Javelin ជាដើម។ នៅឆ្នាំ២០២២ និង ២០២៣ ពួកគេបានផ្តល់ឱ្យទីក្រុងគៀវ នូវកាំភ្លើងធំ ប្រព័ន្ធការពារអាកាស និងរថពាសដែក។
ខណៈពេលដែលលក្ខណៈនៃការរួមចំណែកទាំងនេះប្រែប្រួល ពីប្រទេសមួយទៅប្រទេសមួយ រដ្ឋមួយចំនួនថែមទាំងបាន ទៅផ្គត់ផ្គង់ដល់កងកម្លាំងអ៊ុយក្រែន ជាមួយនឹងរថក្រោះប្រយុទ្ធសំខាន់ៗ ដែលជាប្រភេទសព្វាវុធ ដែលក្រុងគៀវត្រូវប្រើ ដើម្បីវាយកម្ទេចតំបន់ការពាររបស់រុស្ស៊ី៕
ប្រែសម្រួល ឈូក បូរ៉ា
