ប៉េកាំង៖ ប្រព័ន្ធផ្សព្វផ្សាយរដ្ឋបានឲ្យដឹងថា ប្រធានាធិបតីចិនលោក ស៊ី ជីនពីង បានសម្តែងការខ្នះខ្នែង ដើម្បីរក្សាស្ថិរភាពទំនាក់ទំនងចិន-អាមេរិក ដែលបែកបាក់ដោយនិយាយ នៅក្នុងសារទៅកាន់អង្គការ មិនរកប្រាក់ចំណេញរបស់សហរដ្ឋអាមេរិកថា ទីក្រុងប៉េកាំង មានឆន្ទៈក្នុងការធ្វើការជាមួយទីក្រុងវ៉ាស៊ីនតោន ដើម្បីគ្រប់គ្រងភាពខុសគ្នា និងរួមគ្នាដោះស្រាយបញ្ហាប្រឈមជាសកល។
យោងតាមទីភ្នាក់ងារព័ត៌មាន ស៊ីនហួរផ្លូវការបានឱ្យដឹងថា ទំនាក់ទំនងចិន និងអាមេរិក គឺមានសារៈសំខាន់ ចំពោះសន្តិភាពពិភពលោក និងជា “ជោគវាសនារបស់មនុស្សជាតិ” ខណៈដែលប្រទេសដែលមានសេដ្ឋកិច្ចធំជាងគេ ទាំងពីរកំពុងស្វែងរកការរៀបចំកិច្ចប្រជុំកំពូល នៅខែក្រោយនៅខាងក្រៅវេទិកា កិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ដែលនឹងត្រូវប្រារព្ធឡើងនៅសាន់ហ្វ្រាន់ស៊ីស្កូ។
សារអបអរសាទររបស់មេដឹកនាំចិន ត្រូវបានផ្ញើទៅកាន់ពិធីជប់លៀងប្រចាំឆ្នាំ របស់គណៈកម្មាធិការជាតិ ស្តីពីទំនាក់ទំនងអាមេរិក-ចិន ដែលបានធ្វើឡើងមុនពេលដំណើរទស្សនកិច្ច រយៈពេលបីថ្ងៃដោយអ្នកការទូតកំពូលរបស់ចិនលោក វ៉ាង យី ចាប់ពីថ្ងៃព្រហស្បតិ៍។
លោក វ៉ាង យី នឹងជួបជាមួយរដ្ឋមន្ត្រីការបរទេស Antony Blinken និងមន្ត្រីជាន់ខ្ពស់សហរដ្ឋអាមេរិកផ្សេងទៀត ក្នុងអំឡុងពេលស្នាក់នៅរបស់លោក នៅពេលដែលលោកត្រូវបានគេរំពឹងថា នឹងដាក់មូលដ្ឋានគ្រឹះសម្រាប់កិច្ចប្រជុំកំពូលរវាង ស៊ី និងប្រធានាធិបតីអាមេរិកលោក បៃដិន ចំពេលមានការប្រកួតប្រជែងកាន់តែខ្លាំង ទំនាក់ទំនងទ្វេភាគីមានភាពតានតឹងជុំវិញបញ្ហាសេដ្ឋកិច្ច និងការទូតស្ទើរតែពាសពេញក្រុមប្រឹក្សា ៕
ប្រែសម្រួល ឈូក បូរ៉ា
