ប៉េកាំង៖ ការិយាល័យកិច្ចការហុងកុង និងម៉ាកាវ នៃក្រុមប្រឹក្សារដ្ឋរបស់ប្រទេសចិន បានថ្កោលទោសអ្នកនយោបាយអាមេរិក ដែលបានគម្រាមដាក់ទណ្ឌកម្មប្រឆាំងនឹងមន្ត្រីរដ្ឋាភិបាល និងបុគ្គលិកតុលាការនៃ តំបន់រដ្ឋបាលពិសេសហុងកុង (HKSAR)។
អ្នកនាំពាក្យនៃការិយាល័យនេះបានឲ្យដឹងថា នីតិរដ្ឋនៅក្នុង HKSAR បានទទួលការទទួលស្គាល់ យ៉ាងទូលំទូលាយពីសហគមន៍អន្តរជាតិ ដោយបន្ថែមថា ការការពារសន្តិសុខជាតិ និងនីតិរដ្ឋនៅក្នុងទីក្រុងហុងកុង គឺជាភារកិច្ចរបស់មន្ត្រី HKSAR និងបុគ្គលិកតុលាការ ដែលមិនមានការជ្រៀតជ្រែកឡើយ។
អ្នកនាំពាក្យរូបនេះបានឲ្យដឹងថា ការគំរាមកំហែងដែលធ្វើឡើង ដោយអ្នកនយោបាយអាមេរិកមួយចំនួន ដើម្បីដាក់ទណ្ឌកម្មលើពួកគេ គឺផ្ទុយទៅនឹងស្មារតីនៃនីតិរដ្ឋ និងបង្វែរភ្នែកមើលយុត្តិធម៌អន្តរជាតិ។
អ្នកនាំពាក្យរូបនេះបានកត់សម្គាល់ថា ទង្វើដ៏ក្រអឺតក្រទមនេះឆ្លុះបញ្ចាំង ឱ្យឃើញពីភាពស្រមើស្រមៃអនុត្តរភាពរបស់ពួកគេ ដែលគ្រាន់តែបណ្តោយឱ្យពួកគេវង្វេងក្នុងអតីតកាល ដោយបង្ហាញឱ្យឃើញកាន់តែច្បាស់អំពីធម្មជាតិពិត នៃការធ្វើជាមនុស្សមិនស្អាត និងនិយាយបំផ្លើស។
អ្នកនាំពាក្យរូបនេះបានលើកឡើងថា ភាពស្រឡាំងកាំងរបស់អ្នកនយោបាយអាមេរិក មួយចំនួននឹងពង្រឹងការប្តេជ្ញាចិត្តរបស់មន្ត្រីរដ្ឋាភិបាល HKSAR និងបុគ្គលិកតុលាការ ដើម្បីការពារសន្តិសុខជាតិ ដោយបន្ថែមថា គ្មានការជ្រៀតជ្រែកពីខាងក្រៅអាច បញ្ឈប់វឌ្ឍនភាពនៃសណ្តាប់ធ្នាប់ និងវិបុលភាពរបស់ហុងកុងនោះទេ។
រដ្ឋាភិបាលកណ្តាលគាំទ្រយ៉ាងមុតមាំ HKSAR ក្នុងការអនុវត្តច្បាប់សន្តិសុខជាតិ ហុងកុងយ៉ាងពេញលេញ និងដោយស្មោះស្ម័គ្រ និងការពារយ៉ាងម៉ឺងម៉ាត់នូវសន្តិសុខជាតិ និងនីតិរដ្ឋ ហើយរដ្ឋាភិបាលកណ្តាលមិនខិតខំប្រឹងប្រែង ដើម្បីការពារសិទ្ធិ និងផលប្រយោជន៍ស្របច្បាប់របស់មន្ត្រីរដ្ឋាភិបាល និងបុគ្គលិកតុលាការនៅក្នុង នេះបើតាមអ្នកនាំពាក្យហុងកុង ៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)