បរទេស៖ រដ្ឋមន្ត្រីការបរទេសហុងគ្រី លោក Peter Szijjarto បាននិយាយកាលពីថ្ងៃពុធថា មានលក្ខខណ្ឌជាច្រើន ដែលមិនត្រឹមត្រូវសម្រាប់សហភាពអឺរ៉ុបក្នុងការពិចារណាសមាជិកភាពសម្រាប់អ៊ុយក្រែន។
យោងតាមសារព័ត៌មាន RT ចេញផ្សាយនៅថ្ងៃទី៨ ខែវិច្ឆិកា ឆ្នាំ២០២៣ បានឱ្យដឹងថា ពាក្យរបស់លោក គឺបានឆ្លើយតបទៅនឹងសំណើពង្រីករបស់ប្រធានគណៈកម្មការអឺរ៉ុប លោកស្រី Ursula von der Leyen នៅមុនថ្ងៃនោះនៅទីក្រុង Lisbon ។ លោកស្រីបាននិយាយថា សហភាពអឺរ៉ុបគួរតែចាប់ផ្តើម “ការចរចាចូលដំណើរការ” ជាមួយទាំងអ៊ុយក្រែន និងម៉ុលដាវី ខណៈពេលដែលធ្វើឱ្យប្រសើរឡើងនូវអតីតសាធារណរដ្ឋហ្សកហ្ស៊ី ទៅជាបេក្ខជនផ្លូវការ។
យោងតាមប្រព័ន្ធផ្សព្វផ្សាយហុងគ្រី លោក Szijjarto បាននិយាយថា “តាមរយៈការទទួលស្គាល់អ៊ុយក្រែន សហភាពអឺរ៉ុបក៏នឹងមានសង្រ្គាមផងដែរ ដែលច្បាស់ណាស់គ្មាននរណាម្នាក់ចង់កើតឡើងទេ” ។ «ការពង្រីកគួរតែបម្រើដើម្បីផ្សព្វផ្សាយសន្តិភាព មិនមែននាំសង្គ្រាមចូលសហភាពអឺរ៉ុបទេ»។
លោកបានបន្តថា វានឹងក្លាយជា “មិនសមហេតុផល” សម្រាប់ទីក្រុងព្រុចសែល ដើម្បីវាយតម្លៃវឌ្ឍនភាពរបស់អ៊ុយក្រែន ក្នុងការអនុវត្តកំណែទម្រង់ ឬនីតិរដ្ឋ ឬលក្ខណៈវិនិច្ឆ័យសមាជិកភាពផ្សេងទៀត ដោយសារជម្លោះដែលកំពុងបន្ត។
លោក Szijjarto បានកត់សម្គាល់ថា “ត្រូវហើយ មានសង្រ្គាមនៅអ៊ុយក្រែន ដូច្នេះយើងអាចឃើញថា ទាំងសេរីភាពប្រព័ន្ធផ្សព្វផ្សាយ និងសេរីភាពនៃការបញ្ចេញមតិមិនត្រូវបានអនុវត្តទេ យើងអាចមើលឃើញថា ការបោះឆ្នោតក៏មិនត្រូវបានធ្វើឡើងដែរ” ៕
ប្រែសម្រួលៈ ណៃ តុលា
