ការ៉ាកាស ៖ អង្គការអាមេរិកឡាទីន និងការាបៀនបានប្រកាសពីការគាំទ្រ របស់ខ្លួនកាលពីថ្ងៃអាទិត្យ សម្រាប់ការអំពាវនាវរបស់ប្រទេសអារ៉ាប់ និងឥស្លាម សម្រាប់បទឈប់បាញ់ នៅតំបន់ហ្គាហ្សា ជំនួយមនុស្សធម៌ និងការបញ្ឈប់អាវុធ មិនឱ្យចូលអ៊ីស្រាអែល។
ប្លុកក្នុងតំបន់បានឲ្យដឹង នៅក្នុងសេចក្តីថ្លែងការណ៍មួយថា សម្ព័ន្ធបូលីវ៉ារៀសម្រាប់ប្រជាជន នៃសន្ធិសញ្ញាពាណិជ្ជកម្មប្រជាជនអាមេរិក-អាមេរិករបស់យើង (ALBA-TCP) “ចូលរួមការបរិហារ និងការថ្កោលទោស” នៃការវាយលុករបស់អ៊ីស្រាអែល នៅតំបន់ហ្គាហ្សាស្ទ្រីប ដែលជា “ការប្រព្រឹត្តអំពើឃោរឃៅ និងការរំលោភសិទ្ធិមនុស្សជាប្រព័ន្ធ” ។
នៅក្នុងកិច្ចប្រជុំកំពូលវិសាមញ្ញ អ៊ីស្លាមរួមអារ៉ាប់ ដែលរៀបចំដោយអារ៉ាប៊ីសាអូឌីត កាលពីថ្ងៃសៅរ៍ មេដឹកនាំមកពីសម្ព័ន្ធរដ្ឋអារ៉ាប់ និងអង្គការសហប្រតិបត្តិការ អ៊ីស្លាម បានអំពាវនាវឱ្យមានបទឈប់បាញ់ ជាបន្ទាន់ ការផ្តល់ជំនួយមនុស្សធម៌ ការបញ្ឈប់ការនាំចេញអាវុធ ទៅកាន់ប្រទេសអ៊ីស្រាអែល និងអន្តរជាតិ ។ ការស៊ើបអង្កេតរបស់តុលាការឧក្រិដ្ឋកម្ម លើការរំលោភរបស់អ៊ីស្រាអែល នៅតំបន់ហ្គាហ្សា។
រដ្ឋសមាជិក ALBA-TCP បានសម្តែងការគាំទ្រ ចំពោះ “គំនិតផ្តួចផ្តើមណាមួយ ដើម្បីបញ្ចប់ការ សម្លាប់រង្គាលនៅហ្គាហ្សា” បន្ថែមពីលើការគោរពច្បាប់ មនុស្សធម៌អន្តរជាតិ និងការអនុលោមតាមដំណោះស្រាយ របស់អង្គការសហប្រជាជាតិស្តីពីជម្លោះអ៊ីស្រាអែល និងប៉ាឡេស្ទីន៕
ប្រែសម្រួល ឈូក បូរ៉ា
