បរទេស៖ កាសែត Wall Street Journal បានរាយការណ៍កាលពីថ្ងៃអាទិត្យថា បរិយាកាសអរិភាពកាន់តែខ្លាំងឡើងនៅមជ្ឈិមបូព៌ាបានជំរុញឱ្យសហរដ្ឋអាមេរិកដាក់ពង្រាយប្រព័ន្ធការពារដែនអាកាសចំនួនប្រាំមួយបន្ថែមទៀតនៃប្រព័ន្ធមីស៊ីល MIM-104 Patriot ដែលបង្កើនទ្វេដងនៃចំនួនសរុបនៅក្នុងតំបន់។ កាសែតនេះបានបន្ថែមថា មន្ទីរបញ្ចកោណឥឡូវនេះកំពុងនៅសល់តិចតួចលើឧបករណ៍ការពារដែនអាកាសនេះ។
យោងតាមសារព័ត៌មាន RT ចេញផ្សាយនៅថ្ងៃទី១៣ ខែ វិច្ឆិកា ឆ្នាំ២០២៣ បានឱ្យដឹងថា ការផ្លាស់ប្តូរទីតាំងដែលត្រូវបានរាយការណ៍ត្រូវបានធ្វើឡើងចំពេលមានការវាយប្រហារដោយមីស៊ីល និងយន្តហោះគ្មានមនុស្សបើកលើមូលដ្ឋានយោធាអាមេរិកក្នុងប្រទេសអ៊ីរ៉ាក់ និងស៊ីរី ដែលទីក្រុងវ៉ាស៊ីនតោនបានសន្មតថា ជាកងកម្លាំងប្រូកស៊ី (តំណាង) របស់អ៊ីរ៉ង់។ Wall Street Journal បានផ្សាយថា ប្រព័ន្ធការពារដែនអាកាសបន្ថែមត្រូវបានបញ្ជូនទៅកាន់ប្រទេសបារ៉ែន គុយវ៉ែត និងអារ៉ាប៊ីសាអូឌីត ដែលជាម្ចាស់ផ្ទះនៃការដំឡើងយោធាអាមេរិកជាច្រើននាក់ ។
ផលវិបាកមួយដែលអាចមើលឃើញកាន់តែច្រើន នៃតម្រូវការកើនឡើងសម្រាប់ប្រព័ន្ធការពារដែនអាកាសរយៈចម្ងាយឆ្ងាយ ដូចដែលបានកំណត់ដោយ Wall Street Journal គឺជាការសម្រេចចិត្តរបស់ទីក្រុងវ៉ាស៊ីនតោនក្នុងការមិនបានបញ្ជូនប្រព័ន្ធការពារ Patriot ទៅកាន់កម្មវិធី Dubai Airshow ដែលបានចាប់ផ្តើមកាលពីថ្ងៃចន្ទ។ មន្ទីរបញ្ចកោណបានគ្រោងនឹងបង្ហាញធាតុសំខាន់ៗទាំងបីនៃប្រព័ន្ធ រួមមាន ប្រព័ន្ធបាញ់ ឡានមានរ៉ាដា និងស្ថានីយ៍បញ្ជា ប៉ុន្តែបានប្រកាសពីការបង្វែរផ្នែករឹងនៅចុងខែតុលា៕ ប្រែសម្រួលៈ ណៃ តុលា
