បរទេស ៖ យោងតាមការចេញផ្សាយ របស់ RT ប្រធានាធិបតីរុស្ស៊ី លោក Vladimir Putin បាននិយាយក្នុងអំឡុង សុន្ទរកថាតាមអនឡាញ របស់លោកទៅកាន់កិច្ចប្រជុំកំពូល G20 វិសាមញ្ញកាលពីថ្ងៃពុធថា រុស្ស៊ីមិនដែលបដិសេធការចរចា សន្តិភាពជាមួយអ៊ុយក្រែនទេ ខណៈដែលក្រុងគៀវ តែងតែបានដកខ្លួនជា សាធារណៈពីដំណើរការចរចាទាំងនោះ ។
ថ្លែងនៅក្នុងវិដេអូខល នោះមេដឹកនាំរុស្ស៊ីបានឆ្លើយតប ទៅនឹងការអត្ថាធិប្បាយរបស់វាគ្មិនផ្សេងទៀត នៅក្នុងសន្និសីទ ដែលបាននិយាយថាពួកគេ ភ្ញាក់ផ្អើល ចំពោះការបន្ត ឈ្លានពាន របស់រុស្ស៊ីនៅអ៊ុយក្រែន ។
លោកពូទីនបានសារភាពថា ដូចជាជម្លោះយោធាណាមួយ វាគឺជា សោកនាដកម្មសម្រាប់ពលរដ្ឋនិងក្រុម គ្រួសាររបស់គេ និងសម្រាប់ប្រទេសទាំងមូល ប៉ុន្តែបច្ចុប្បន្នយើងត្រូវគិតពី របៀបបញ្ចប់សោកនាដកម្មនេះ ។
យ៉ាងណាក៏ដោយ លោក Putin បានសង្កត់ធ្ងន់ថា រុស្ស៊ីមិនដែលបដិសេធការចរចាសន្តិភាពជាមួយ អ៊ុយក្រែនទេ ហើយតាមពិតទៅ វាគឺជាប្រធានាធិបតីអ៊ុយក្រែន លោក Vladimir Zelensky ដែលបានចុះហត្ថលេខាលើក្រឹត្យច្បាប់ ហាមឃាត់ការចរចាបែបនេះជាមួយរុស្ស៊ី។
គួរឲ្យដឹងដែរថាកាលពីឆ្នាំមុន មេដឹកនាំអ៊ុយក្រែនបានបដិសេធជាផ្លូវការ ចំពោះការចរចាសន្តិភាពជាមួយវិមានក្រឹមឡាំង ដរាបណាលោក Putin ជាប្រធានាធិបតីរុស្ស៊ី ៕
ប្រែសម្រួល៖ស៊ុនលី
![](https://dap-news.com/wp-content/uploads/2020/08/1-1.png)