បរទេស៖ អតីតនាយករដ្ឋមន្ត្រី ឧត្តមសេនីយ ប្រយុទ្ធ ចាន់អូចា និងភរិយា ត្រូវបានគេមើលឃើញពីទ្រព្យសម្បត្តិរបស់ពួកគេកើនឡើងជាង ២លានបាត ក្នុងរយៈពេល៩ឆ្នាំ ដែលលោកកាន់តំណែង។
យោងតាមសារព័ត៌មាន The Nation របស់ថៃ ចេញផ្សាយកាលពីថ្ងៃទី២៤ ខែវិច្ឆិកា ឆ្នាំ២០២៣ បានឱ្យដឹងថា ទ្រព្យសម្បត្តិសុទ្ធរបស់អតីតឧបនាយករដ្ឋមន្ត្រី ប្រាវីដ វង្សស៊ូវ៉ាន់ បានកើនឡើងប្រហែល ១,៨ លានបាតក្នុងអំឡុងពេល ៩ឆ្នាំ នៅក្នុងរដ្ឋាភិបាល។
គណៈកម្មាធិការជាតិប្រឆាំងអំពើពុករលួយបានបង្ហាញបញ្ជីប្រកាសទ្រព្យសម្បត្តិ និងបំណុលរបស់មន្ត្រីនយោបាយចំនួន ១៨រូប។
ក្នុងចំណោមឈ្មោះដែលគួរឲ្យកត់សម្គាល់មានលោក ប្រាយុទ្ធ ដែលបានចាកចេញពីតំណែងនៅថ្ងៃទី ៥ ខែកញ្ញា ឆ្នាំ ២០២៣។
លោក ប្រាយុទ្ធ ចាន់ អូចា បានប្រកាសទ្រព្យសម្បត្តិ និងបំណុលបន្ទាប់ពីចុះចេញពីដំណែងជានាយករដ្ឋមន្ត្រី រួមជាមួយនឹងភរិយារបស់លោក គឺលោកស្រី Naraporn Chan-o-cha ។ ទ្រព្យសម្បត្តិរួមរបស់លោក ប្រាយុទ្ធ និងភរិយា មានចំនួន ១៣០.១៩១.១៦៣ បាត និង ដោយគ្មានបំណុលដែលត្រូវបានរាយការណ៍។
ក្នុងចំណោមទ្រព្យសកម្មរបស់លោក ប្រាយុទ្ធ មានតម្លៃ ៩៨.៦៦៣.៦៨៣បាត ខណៈដែលទ្រព្យសម្បត្តិរបស់លោកស្រី Naraporn មានតម្លៃ ៣១.៥២៧.៤៧៩ បាត។
លោក ប្រាយុទ្ធ និង លោកស្រី ណារ៉ាផន បានប្រកាសទ្រព្យសម្បត្តិសរុបដែលមានតម្លៃ ១២៨.៦៦៤.៥៣៥ បាត និងបំណុលសរុបចំនួន ៦៥៤.៧៤៥ បាត នៅថ្ងៃទី ៤ ខែកញ្ញា ឆ្នាំ២០១៤ នៅពេលដែលលោក ប្រាយុទ្ធ ចូលកាន់តំណែងជានាយករដ្ឋមន្ត្រី។ នេះមានន័យថាទ្រព្យសម្បត្តិរបស់ពួកគេបានកើនឡើងចំនួន ២.៨១៨.៣៧២បាត ក្នុងរយៈពេល៩ឆ្នាំកន្លងមកនេះ៕
ប្រែសម្រួលៈ ណៃ តុលា
