បរទេស៖ លោក Douglas Macgregor អតីតទីប្រឹក្សាមន្ទីរប៉ង់តាហ្គោន បានអះអាងកាលពីថ្ងៃសៅរ៍ថា អ៊ុយក្រែន និងអ្នកគាំទ្រលោកខាងលិចរបស់ខ្លួន បានបរាជ័យជាមួយនឹងជម្លោះនឹងរុស្ស៊ីរួចហើយ។
យោងតាមការចេញផ្សាយរបស់ RT វរសេនីយ៍ឯកនៃកងទ័ពអាមេរិកដែលចូលនិវត្តន៍ និងជាអតីតយុទ្ធជនរូបនេះគឺជាបុគ្គលដែលតែងតែបានជួយជំរុញឱ្យទីក្រុងវ៉ាស៊ីនតោន និងទីក្រុងគៀវ ចូលទៅក្នុងការចរចាសន្តិភាពជាមួយទីក្រុងម៉ូស្គូឱ្យបានឆាប់តាមដែលអាចធ្វើទៅបាន។
ការអត្ថាធិប្បាយរបស់ Macgregor បានកើតឡើងនៅពេលនៃការលុបចោលមូលនិធិ Pentagon ដែលមានសម្រាប់អ៊ុយក្រែន បន្ទាប់ពីរដ្ឋបាលរបស់ប្រធានាធិបតី Joe Biden បានបរាជ័យក្នុងការជំរុញកញ្ចប់ចំណាយចំនួន១០៥ពាន់លានដុល្លារតាមរយៈសភា ដែលជាផ្នែកសំខាន់មួយដែលត្រូវបានគេសន្មត់ថាទៅកាន់ទីក្រុងគៀវ។
ប្រធានាធិបតីអាមេរិកក៏ត្រូវបានបង្ខំឱ្យចុះហត្ថលេខាលើវិក្កយបត្រចំណាយដែលមានគម្លាតគ្នាជំនួសវិញ ដែលរួមបញ្ចូលតែការផ្តល់មូលនិធិសម្រាប់ទីភ្នាក់ងាររដ្ឋាភិបាលក្នុងស្រុកប៉ុណ្ណោះ៕
ប្រែសម្រួល៖ស៊ុនលី
