តូក្យូ៖ ប្រភពជិតស្និទ្ធនឹងបញ្ហានេះ បានឲ្យដឹងថា ប្រទេសជប៉ុន កំពុងពិចារណាពន្យារពេលគម្រោងមួយ ដែលមានគោលបំណងទាញយក គំរូផ្ទៃព្រះច័ន្ទដំបូងបង្អស់ របស់ពិភពលោក ពីឆ្នាំ២០២៤ ដល់ឆ្នាំ២០២៦ ដោយសារបញ្ហាជាមួយនឹងគ្រាប់រ៉ុក្កែត H3 ស៊េរីថ្មីរបស់ខ្លួន ដែលត្រូវបានកំណត់ ដើម្បីជួយសម្រួលដល់ការបាញ់បង្ហោះនេះ ។
ការពន្យារពេលនេះ នឹងជៀសមិនផុតពីផែនការ សម្រាប់ការស៊ើបអង្កេតពីគម្រោង Martian Moons Exploration ឬ MMX ដើម្បីទៅដល់ប្រព័ន្ធ Martian ក្នុងអំឡុងពេលពិព័រណ៍ពិភពលោក ឆ្នាំ២០២៥ នៅទីក្រុងអូសាកា និងការផ្សាយបន្តផ្ទាល់រូបភាពលម្អិត ទៅកាន់កន្លែងតាំងពិពណ៌ ដែលជាការរំលេច នៃព្រឹត្តិការណ៍។
ការអភិវឌ្ឍន៍នេះកើតឡើង បន្ទាប់ពីការបរាជ័យ នៃការបាញ់បង្ហោះក្នុងខែមីនា នៃរ៉ុក្កែត H3 ជំនាន់ក្រោយរបស់ប្រទេសជប៉ុន ក្រោមការអភិវឌ្ឍន៍ដោយ Japan Aerospace Exploration Agency និង Mitsubishi Heavy Industries Ltd. ដែលបណ្តាលឱ្យបាត់បង់ផ្កាយរណបដ៏សំខាន់ ដែលវាផ្ទុកជាបន្ទុករបស់វា។
រ៉ុក្កែត H3 ទីពីរដែលបំពាក់ដោយវិធានការ ទប់ស្កាត់ការកើតឡើងវិញ ត្រូវបានកំណត់ឱ្យបាញ់បង្ហោះ នៅខែមីនា ឆ្នាំ២០២៤ ប៉ុន្តែបន្ទុករបស់វាត្រូវបានកែប្រែជាការប្រុងប្រយ័ត្ន នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
ផែនការដើម្បីអនុវត្តការស៊ើបអង្កេត MMX និងផ្កាយរណបនៅលើរ៉ុក្កែត H3 ទី៣ ឬក្រោយមកនឹងអាស្រ័យលើ ថាតើការបាញ់បង្ហោះរ៉ុក្កែត ទីពីរទទួលបានជោគជ័យ។
ការស៊ើបអង្កេតអាចត្រូវបាន គេបាញ់បង្ហោះ ទៅកាន់គន្លងជុំវិញភពអង្គារ អាចនឹងត្រូវបានធ្វើឡើងប្រហែល នៅក្នុងខែកញ្ញា ឆ្នាំ២០២៤ ដោយសារតែការប្រែប្រួល នៃចម្ងាយនៃភពក្រហមពីផែនដី ហើយឱកាសដែលសមស្របបន្ទាប់ នឹងមាននៅប្រហែលជាក្នុងឆ្នាំ២០២៦ ប៉ុន្តែការកំណត់ពេលវេលាឡើងវិញ អាចបង្ហាញថា មានការលំបាកដោយសារតែការបាញ់ បង្ហោះផ្កាយរណបផ្សេងទៀត ដែលមានអាទិភាពខ្ពស់ជាងនេះ៕
ប្រែសម្រួល ឈូក បូរ៉ា
