តូក្យូ ៖ នាយករដ្ឋមន្ត្រីជប៉ុនលោក ហ្វូមីអូ គីស៊ីដា នឹងធ្វើជាម្ចាស់ផ្ទះ នៃកិច្ចប្រជុំកំពូលតាមអ៊ិនធឺណិត នៃក្រុមប្រទេសឧស្សាហកម្មទាំង៧ នៅថ្ងៃពុធ នៅពេលប្រទេសអាស៊ីបញ្ចប់តួនាទី របស់ខ្លួនជាប្រធានបង្វិលនៅឆ្នាំនេះ ដោយប្រធានាធិបតីអ៊ុយក្រែន លោក វូឡូឌីមៀ ហ្សេឡិនស្គី នឹងចូលរួមជាមួយពួកគេ ។
ប្រមុខខុទ្ទកាល័យលោក Hirokazu Matsuno បានឲ្យដឹងនៅក្នុងសន្និសីទ សារព័ត៌មានមួយថា ប្រធានក្រុម G7 ត្រូវបានគេរំពឹងថា នឹងពិភាក្សាអំពីសង្គ្រាម របស់រុស្ស៊ីប្រឆាំង នឹងអ៊ុយក្រែន និងជម្លោះរវាងអ៊ីស្រាអែល និងក្រុមសកម្មប្រយុទ្ធ ប៉ាឡេស្ទីនហាម៉ាស។
យោងតាមអ្នកនាំពាក្យ រដ្ឋាភិបាលកំពូល បានឱ្យដឹងថា ក្របខ័ណ្ឌ ទូលំទូលាយ អន្តរជាតិស្តីពីបញ្ញាសិប្បនិមិត្ត កម្រិតខ្ពស់ក៏នឹងទំនងជាមាន កម្រិតខ្ពស់នៅក្នុងរបៀបវារៈផងដែរ នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
លោក គីស៊ីដា បានរៀបចំកិច្ចប្រជុំកំពូល G7 ដោយផ្ទាល់នៅក្នុងខែឧសភា នៅក្នុងមណ្ឌលបោះឆ្នោតរបស់គាត់នៅហ៊ីរ៉ូស៊ីម៉ា។ លោក ហ្សេឡិនស្គី បានធ្វើដំណើរទៅប្រទេសជប៉ុន ដើម្បីចូលរួមកិច្ចប្រជុំកំពូល។
គួរបញ្ជាក់ថា ក្រុមប្រទេស G7 រួមមាន អង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន និងសហរដ្ឋអាមេរិក បូករួមទាំងសហភាពអឺរ៉ុប។ ប្រទេសអ៊ីតាលី នឹងកាន់កាប់តំណែងប្រធានក្រុមបន្ដពីប្រទេសជប៉ុន នៅឆ្នាំក្រោយ៕
ប្រែសម្រួល ឈូក បូរ៉ា
