បរទេស៖ យោងតាមការចេញផ្សាយរបស់ RT សង្កាត់ Green Zone នៃទីក្រុងបាកដាដ ដែលមានអគាររដ្ឋាភិបាល និងការទូតជាច្រើន រួមទាំងស្ថានទូតអាមេរិក ត្រូវបានគេរាយការណ៍ថា បានវាយប្រហារដោយគ្រាប់រ៉ូក្កែត ជាច្រើនកាលពីថ្ងៃសុក្រ ។
មន្ត្រីយោធាអាមេរិកសុំមិនបង្ហាញអត្តសញ្ញាម្នាក់បានប្រាប់ AFP ថាសំឡេងរោទិ៍ជុំវិញទីតាំងបានបញ្ចប់ ហើយថាសំឡេងផលប៉ះពាល់ អាចត្រូវបានគេឮនៅជិតស្ថានទូត និងមូលដ្ឋានយោធា Union III ។
ដោយឡែកកាសែត Rueters វិញបានដកស្រង់ប្រភពសន្តិសុខពីរ ក៏បានរាយការណ៍ផងដែរថា ការផ្ទុះជាច្រើនត្រូវបានគេឮនៅជិតស្ថានទូត នៅម៉ោងប្រហែល៤ទៀបភ្លឺហើយស៊ីរ៉ែនអំពាវនាវ ឱ្យមនុស្សរកកន្លែងសុវត្ថិភាព ត្រូវបានដំណើរការ។
អ្នកនាំពាក្យស្ថានទូតអាមេរិក ត្រូវបានដកស្រង់ ដោយសារព័ត៌មាន ABC News ដែលនិយាយថាការវាយប្រហារនេះធ្វើឡើង ដោយគ្រាប់រ៉ូក្កែតចំនួនពីរគ្រាប់ ដែលត្រូវបានបាញ់ នៅម៉ោងប្រហែល ៤ និង ១៥ នាទីព្រឹកម៉ោងក្នុងតំបន់នេះ។ មន្ត្រីរូបនេះបានកត់សម្គាល់ថា ខណៈនេះផងដែរការវាយតម្លៃនៅតែបន្តមិនមានរាយការណ៍ថាមានអ្នកស្លាប់ នៅក្នុងបរិវេណស្ថានទូតនោះទេ៕
ប្រែសម្រួល៖ស៊ុនលី
