ក្រុមប្រឹក្សាសន្តិសុខ ថ្កោលទោសការវាយប្រហារភេរវកម្ម នៅ ប្រទេសប៉ាគីស្ថាន

យូអិន៖ ក្រុមប្រឹក្សាសន្តិសុខ បានថ្កោលទោសការវាយប្រហារភេរវកម្មកាលពីថ្ងៃអង្គារលើប៉ុស្តិ៍របស់កងកម្លាំងសន្តិសុខប៉ាគីស្ថាននៅក្នុងស្រុក Dera Ismail Khan នៃខេត្ត Khyber Pakhtunkhwa ភាគពាយ័ព្យនៃប្រទេសប៉ាគីស្ថាន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។

នៅក្នុងសេចក្តីថ្លែងការណ៍មួយ សមាជិកនៃក្រុមប្រឹក្សាសន្តិសុខ បានថ្កោលទោស “ក្នុងលក្ខខណ្ឌខ្លាំងបំផុត” ការវាយប្រហារភេរវកម្ម ដែលបណ្តាលឱ្យមានអ្នកស្លាប់ និងរបួសជាច្រើននាក់ រួមទាំងការស្លាប់របស់បុគ្គលិកសន្តិសុខយ៉ាងហោចណាស់ ២៣ នាក់ផងដែរ។

សមាជិកក្រុមប្រឹក្សាបានសម្តែងការអាណិតអាសូរ និងរំលែកទុក្ខយ៉ាងក្រៀមក្រំបំផុត ចំពោះគ្រួសារជនរងគ្រោះ និងរដ្ឋាភិបាលប៉ាគីស្ថាន ហើយពួកគេសូមជូនពរឱ្យអ្នករងរបួសឆាប់ជាសះស្បើយ និងពេញលេញ។

សមាជិកក្រុមប្រឹក្សាសន្តិសុខបានអះអាងសារជាថ្មីថា អំពើភេរវកម្មក្នុងគ្រប់ទម្រង់ និងការបង្ហាញរបស់ខ្លួន គឺជាការគំរាមកំហែងដ៏ធ្ងន់ធ្ងរបំផុតមួយ ចំពោះសន្តិភាព និងសន្តិសុខអន្តរជាតិ ហើយបានសង្កត់ធ្ងន់លើតម្រូវការ សម្រាប់រដ្ឋទាំងអស់ក្នុងការប្រយុទ្ធដោយគ្រប់មធ្យោបាយគំរាមកំហែងដល់សន្តិភាព និងសន្តិសុខអន្តរជាតិ ដែលបណ្តាលមកពីអំពើភេរវកម្ម។​

ពួកគេបានគូសបញ្ជាក់អំពីតម្រូវការក្នុងការឃុំឃាំងជនល្មើស អ្នករៀបចំ អ្នកផ្តល់ហិរញ្ញប្បទាន និងអ្នកឧបត្ថម្ភនៃអំពើភេរវកម្ម ដែលគួរឱ្យស្អប់ខ្ពើមទាំងនេះទទួលខុសត្រូវ និងនាំពួកគេទៅកាន់យុត្តិធម៌។ ពួកគេបានជំរុញឱ្យរដ្ឋទាំងអស់សហការយ៉ាងសកម្មជាមួយរដ្ឋាភិបាលប៉ាគីស្ថាន ក៏ដូចជាអាជ្ញាធរពាក់ព័ន្ធផ្សេងទៀតទាំងអស់ក្នុងរឿងនេះ៕ ប្រែសម្រួល ឈូក បូរ៉ា