យូអិន៖ ក្រុមប្រឹក្សាសន្តិសុខអង្គការសហប្រជាជាតិ បានអនុម័តដំណោះស្រាយដ៏សំខាន់មួយដោយសង្កត់ធ្ងន់លើការបង្កើនល្បឿនភ្លាមៗនៃការផ្តល់ជំនួយដល់ជនស៊ីវិល ដែលមានទុក្ខព្រួយនៅតំបន់ហ្គាហ្សា ប៉ុន្តែដោយគ្មានការអំពាវនាវដើមសម្រាប់ “ការផ្អាកជាបន្ទាន់នៃអរិភាព” រវាងអ៊ីស្រាអែល និងក្រុមហាម៉ាស។
ដំណោះស្រាយ ២៧២០ ទាមទារឱ្យភាគីជម្លោះ “អនុញ្ញាត សម្របសម្រួល និងបើកការផ្តល់ជំនួយមនុស្សធម៌ជាបន្ទាន់ សុវត្ថិភាព និងគ្មានការរារាំង ដោយផ្ទាល់ដល់ប្រជាជនស៊ីវិលប៉ាឡេស្ទីន នៅទូទាំងតំបន់ហ្គាហ្សាស្ទ្រីប ហើយក្នុងន័យនេះ អំពាវនាវឱ្យមានវិធានការបន្ទាន់ ដើម្បីអនុញ្ញាតឱ្យភ្លាមៗ មានសុវត្ថិភាព ដោយមិនមានការរារាំង និងពង្រីកសិទ្ធិមនុស្សធម៌ និងបង្កើតលក្ខខណ្ឌសម្រាប់ការបញ្ឈប់អរិភាពដោយនិរន្តរភាព។
ដំណោះស្រាយទាមទារឱ្យភាគីជម្លោះ “អនុញ្ញាត និងសម្របសម្រួលការប្រើប្រាស់ផ្លូវ ដែលមានទៅកាន់ និងទូទាំងតំបន់ហ្គាហ្សាស្ទ្រីបទាំងមូល” និងស្នើសុំឱ្យអគ្គលេខាធិការអង្គការសហប្រជាជាតិ “តែងតាំងអ្នកសម្របសម្រួលជាន់ខ្ពស់ផ្នែកមនុស្សធម៌ និងការកសាងឡើងវិញ” ជាមួយនឹងការទទួលខុសត្រូវក្នុងការសម្របសម្រួល។
នៅក្នុងនោះដែរ ការសម្របសម្រួល ត្រួតពិនិត្យ និងផ្ទៀងផ្ទាត់នៅក្នុងតំបន់ហ្គាហ្សា តាមដែលសមស្រប លក្ខណៈមនុស្សធម៌នៃការដឹកជញ្ជូនជំនួយមនុស្សធម៌ទាំងអស់ទៅកាន់ហ្គាហ្សា ដែលផ្តល់តាមរយៈរដ្ឋ ដែលមិនមែនជាភាគីនៃជម្លោះ។
នៅក្នុងនោះក៏ទាមទារឱ្យមាន “ការដោះលែងចំណាប់ខ្មាំងទាំងអស់ជាបន្ទាន់ និងដោយគ្មានលក្ខខណ្ឌ” ក៏ដូចជាការធានាឱ្យមានសិទ្ធិមនុស្សធម៌ ដើម្បីដោះស្រាយតម្រូវការវេជ្ជសាស្រ្តរបស់ចំណាប់ខ្មាំងទាំងអស់ និងទាមទារការផ្តល់ប្រេងឥន្ធនៈដល់តំបន់ហ្គាហ្សា ក្នុងកម្រិតដែលនឹងបំពេញតម្រូវការមនុស្សធម៌ចាំបាច់៕ ប្រែសម្រួល ឈូក បូរ៉ា
