បរទេស ៖ យោងតាមការលើកឡើង របស់អតីតនាយករដ្ឋមន្ត្រីអ៊ុយក្រែនលោកស្រី Yulia Tymoshenko បាននិយាយកាលពីថ្ងៃព្រហស្បតិ៍ថា ប្រធានាធិបតីអ៊ុយក្រែនលោក Vladimir Zelensky ចាំបាច់ត្រូវផ្តល់ជូនប្រទេសនូវផែនការ មួយផ្សេងទៀត សម្រាប់ការឈ្នះសង្រ្គាម ពីព្រោះបច្ចុប្បន្នវាមិនដំណើរការទេ ។
លោកស្រីTymoshenko បានក្លាយជានាយករដ្ឋមន្ត្រី ស្ត្រីដំបូងរបស់អ៊ុយក្រែនក្នុងឆ្នាំ ២០០៥បន្ទាប់ពី បដិវត្តពណ៌ទឹកក្រូច ហើយបានដឹកនាំរដ្ឋាភិបាល ម្តងទៀតនៅឆ្នាំ ២០០៧-២០១០ ។ បច្ចុប្បន្នលោកស្រីជាប្រធានគណបក្សប្រឆាំង Fatherland (Batkivshchyna) ដែលមាន២៤អាសនៈនៅ Verkhovna Rada ។
លោកស្រីបាននិយាយ នៅក្នុងវីដេអូមួយដែលបានបង្ហោះ នៅលើប្រព័ន្ធផ្សព្វផ្សាយសង្គមថា៖ ថ្ងៃនេះ យើងទាំងអស់គ្នាសម្រាប់ជ័យជំនះ សម្រាប់អ៊ុយក្រែន សម្រាប់បូរណភាពទឹកដី ប៉ុន្តែការបន្តដំណើរទៅមុខ ខណៈដែលសមរភូមិនេះកំពុងបន្តនៅថ្ងៃនេះ វានឹងមានការលំបាកខ្លាំងណាស់សម្រាប់អ៊ុយក្រែនក្នុងការប្រយុទ្ធប្រឆាំងនឹងសង្រ្គាម អូសបន្លាយរយៈពេលវែង ។
លោកស្រីបានបន្តថា៖ដូច្នេះ ខ្ញុំសុំលោកប្រធានាធិបតីដើម្បីអាច ផ្តល់ឲ្យប្រទេសនូវផែនការថ្មីឬ Plan B សម្រាប់ការទទួលជ័យជម្នះរបស់យើង។
លោកស្រីTymoshenko មិនបាននិយាយថា តើចក្ខុវិស័យរបស់នាងចំពោះគោលនយោបាយជំនួសនឹងទៅជាយ៉ាងណានោះទេប៉ុន្តែលោកស្រីបាន ពិពណ៌នាអំពីស្ថានភាពបច្ចុប្បន្នថាជា ការពិបាកនិង ជាសោកនាដកម្មដោយសារតែការកាត់បន្ថយជំនួយយោធា ពីលោកខាងលិចផងនោះ៕
ប្រែសម្រួល៖ស៊ុនលី
