ក្នុងអំឡុងវិស្សមកាល បុណ្យចូលឆ្នាំថ្មី ឆ្នាំសកល២០២៤ចិន ទទួលបានប្រាក់ចំណូល លើវិស័យទេសចរណ៍ ក្នុងស្រុក មានចំនួន៧៩៧៣០លានយាន់ប្រាក់ចិន

ក្នុងអំឡុងវិស្សមកាលបុណ្យចូលឆ្នាំថ្មីឆ្នាំសកល២០២៤ ទីផ្សារវប្បធម៌និងទេសចរណ៍នៅទូទាំងប្រទេសចិន មានភាពនឹងនរនិងប្រកបដោយរបៀបរៀបរយ ។ តាមការគណនារបស់មជ្ឈមណ្ឌលទិន្នន័យ នៃក្រសួងវប្បធម៌និងទេសចរណ៍ចិនបានឱ្យដឹងថា ក្នុងអំឡុងវិស្សមកាលបុណ្យចូលឆ្នាំថ្មី ឆ្នាំសកលរយៈពេលបីថ្ងៃ ចំនួនអ្នកទេសចរដំណើរកម្សាននៅក្នុងប្រទេសចិន ត្រូវជា១៣៥លាននាក់ បានកើនជាង១៥៥,៣ភាគរយបើប្រៀបធៀបនឹងរយៈពេលដូចគ្នានៃឆ្នាំ២០២៣ ហើយទទួលបានប្រាក់ចំណូលលើវិស័យទេសចរណ៍ក្នុងស្រុកចំនួន៧៩៧៣០លានយាន់ប្រាក់ចិន ដែលបានកើនជាង២០០,៧ភាគរយបើប្រៀបធៀបនឹងរយៈពេលដូចគ្នានៃឆ្នាំ២០២៣ ។

ទីផ្សារទេសចរណ៍បានលេចចេញលក្ខណៈពិសេសដូចជា “ការលំហៃកាយនៅរដូវកាល ព្រិលទឹកកក ចូលរួមសកម្មភាពវប្បធម៌ ធ្វើទេសចរណ៍ក្នុងតំបន់ ការប្រើប្រាស់មានលក្ខណៈពិសេស ចាប់អារម្មណ៍ពីទិដ្ឋភាពក្នុងជីវភាពរស់នៅ និងប្រកបដោយភាពសប្បាយរីករាយនិងសិរីមង្គល ” ៕