ថៃ ទទួលបានភ្ញៀវ បរទេសជាង ២៨លាននាក់ ក្នុងឆ្នាំ២០២៣ និងបង្កើតប្រាក់ចំណូល ១,២ ពាន់ពាន់លានបាត សម្រាប់សេដ្ឋកិច្ច

បរទេស៖ រដ្ឋមន្ត្រីទេសចរណ៍ និងកីឡា របស់ប្រទេសថៃ លោកស្រី Sudawan Wangsuphakijkosol បាននិយាយថា ភ្ញៀវទេសចរបរទេសជាង ២៨ លាននាក់បានមកទស្សនាប្រទេសថៃកាលពីឆ្នាំមុន ដោយបង្កើតប្រាក់ចំណូលបាន ១,២ ពាន់ពាន់លានបាត។

យោងតាមសារព័ត៌មាន The Nation របស់ថៃ ចេញផ្សាយ កាលពី​ថ្ងៃទី២ ខែមករា ឆ្នាំ២០២៤ បានឱ្យដឹងដោយផ្អែក តាមការលើកឡើងរបស់លោកស្រី Sudawan Wangsuphakijkosol កាលពីថ្ងៃអង្គារថា ការមកដល់របស់ភ្ញៀវ បរទេសសរុបចំនួន ២៨,០៤២ លាននាក់ ត្រូវបានចុះបញ្ជីចាប់ពីថ្ងៃទី១ ខែមករា ដល់ថ្ងៃទី៣១ ខែធ្នូ ឆ្នាំ ២០២៣ ហើយភ្ញៀវបរទេសទាំងនោះបានបង្កើតប្រាក់ចំណូលរហូតដល់ ១,២ ពាន់ពាន់លានបាតសម្រាប់សេដ្ឋកិច្ចថៃ។

លោកស្រី Sudawan បាននិយាយថា ភ្ញៀវបរទេសកំពូលទាំងប្រាំដែលមកលេងប្រទេសថៃកាលពីឆ្នាំមុនគឺមាន ម៉ាឡេស៊ី (៤,៥៦ លាននាក់) ចិន (៣,៥២ លាននាក់) កូរ៉េខាងត្បូង (១,៦៦ លាននាក់) និងរុស្ស៊ី (១,៤៨ លាននាក់) ។

លោកស្រីបានបន្ថែមថា សប្តាហ៍ចុងក្រោយនៃឆ្នាំ ២០២៣ ឃើញមានការធ្លាក់ចុះតិចតួច នៃការមកដល់របស់ជនបរទេស ឬ ស្មើនឹង ០,៩០% ពីសប្តាហ៍មុន ដោយសារក្រុមមួយចំនួនប្រហែលជាបានជ្រើសរើស មិនធ្វើដំណើរនៅថ្ងៃទី ៣០ ខែធ្នូ៕
ប្រែសម្រួលៈ ណៃ តុលា

Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999