បរទេស៖ វិមានក្រឹមឡាំងបានរាយការណ៍ នៅលើគេហទំព័ររបស់ខ្លួនកាលពីថ្ងៃព្រហស្បតិ៍ថា ប្រធានាធិបតី លោក វ្ល៉ាឌីមៀ ពូទីន បានចុះហត្ថលេខាលើក្រឹត្យ ផ្តល់សិទ្ធិក្នុងការទទួលបានលិខិតឆ្លងដែន រុស្ស៊ីដល់ជនបរទេស ដែលចុះឈ្មោះចូលបម្រើក្នុង កងកម្លាំងប្រដាប់អាវុធ របស់ប្រទេសរុស្ស៊ី ឬអង្គភាពយោធាផ្សេងទៀត ក្នុងអំឡុងពេលជម្លោះអ៊ុយក្រែន។
យោងតាមសារព័ត៌មាន RT ចេញផ្សាយកាលពីថ្ងៃទី៤ ខែមករា ឆ្នាំ២០២៤ បានឱ្យដឹងថា សមាជិកគ្រួសារ នៃជនបរទេសដែលចុះឈ្មោះចូលបម្រើ ក្នុងកងកម្លាំងប្រដាប់អាវុធ របស់ប្រទេសរុស្ស៊ី ឬអង្គភាពយោធាផ្សេងទៀត ក៏នឹងមានសិទ្ធិទទួលបានសញ្ជាតិរុស្ស៊ីផងដែរ , នេះបើយោងតាមក្រឹត្យនេះ។
លើសពីនេះ ច្បាប់ស្តីពីការ ចូលសញ្ជាតិ នឹងអនុវត្តចំពោះជនបរទេស ដែលត្រូវបានបណ្តេញ ចេញពីការបម្រើយោធា ក្នុងអំឡុងពេលប្រយុទ្ធ ដោយហេតុផលសុខភាព នៅពេលឈានដល់អាយុកំណត់ ឬផុតកំណត់ នៃកិច្ចសន្យារបស់ពួកគេ។
ពាក្យស្នើសុំធានា អត្តសញ្ញាណប័ណ្ណ សញ្ជាតិរុស្សីសម្រាប់ជនបរទេស នឹងត្រូវពិចារណា ក្នុងរយៈពេលមួយខែ បន្ទាប់ពីឯកសារ ពាក់ព័ន្ធត្រូវបានដាក់ជូនក្រសួងមហាផ្ទៃ ។ ពាក្យនេះអាចបន្តរហូតដល់បីខែ ក្នុងករណីដែលទិន្នន័យមួយចំនួនត្រូវការការផ្ទៀងផ្ទាត់បន្ថែម ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
