បរទេស ៖ ទីក្រុងព្យុងយ៉ាង បានត្រៀមខ្លួនជាស្រេច ក្នុងការឆ្លើយតបដោយកម្លាំង ចំពោះអ្វីមួយ “ការគណនាខុសដោយល្ងង់” ដោយទីក្រុងសេអ៊ូល។ នេះបើតាមការព្រមាន របស់លោកស្រី គីម យ៉ូជុង ប្អូនស្រីដ៏មានឥទ្ធិពល របស់មេដឹកនាំកូរ៉េខាងជើង គីម ជុងអ៊ុន ។
យោងតាម សារព័ត៌មាន RT ចេញផ្សាយនៅថ្ងៃទី៧ ខែមករា ឆ្នាំ២០២៤ បានឱ្យដឹងថា កាលពីថ្ងៃសុក្រ ទីក្រុងសេអ៊ូល បានប្រកាសថា ខ្លួនកំពុងជម្លៀស ប្រជាជន ចេញពីកោះ Yeonpyeong បន្ទាប់ពីកូរ៉េខាងជើង បានបាញ់ផ្លោងកាំភ្លើងធំចំនួន ២០០ គ្រាប់ចេញពីឆ្នេរ សមុទ្រភាគខាងលិច ។ ទីក្រុងសេអ៊ូលបាននិយាយថា គ្រាប់ផ្លោងបានធ្លាក់នៅតំបន់ការពារដែនសមុទ្រ ដែលបានបង្កើតឡើង រវាងប្រទេសជិតខាងក្រោម កិច្ចព្រមព្រៀងឆ្នាំ២០១៨ ដែលទីក្រុងព្យុងយ៉ាង ក្រោយមកបានដកខ្លួនចេញ ។
កូរ៉េខាងត្បូងបានប្រតិកម្មចំពោះអ្វីដែលខ្លួនហៅថា ស្ថានភាពវិបត្តិដោយបាញ់ផ្លោងចំនួន ៤០០ គ្រាប់របស់ខ្លួនចូល ទៅក្នុងសមុទ្រក្នុងតំបន់តែមួយ។ យោងតាមទីក្រុងសេអ៊ូល ខ្លួនក៏ត្រូវបានបន្តតាមដានដោយកូរ៉េខាងជើង បានបាញ់ផ្លោងចំនួន ៦០ គ្រាប់ទៀត នៅក្នុងតំបន់ការពារកាលពីថ្ងៃសៅរ៍។
នៅក្នុងសេចក្តីថ្លែងការណ៍ របស់លោកស្រីកាលពីថ្ងៃអាទិត្យ លោកស្រី គីម យ៉ូជុង ដែលជាឥស្សរជនជាន់ខ្ពស់ នៅក្នុងគណបក្សពលករកំពុងកាន់អំណាចរបស់កូរ៉េខាងជើងបានបដិសេធ ការអះអាងចុងក្រោយរបស់កូរ៉េខាងត្បូង ។ កាលពីថ្ងៃសៅរ៍ លោកស្រីបាននិយាយដោយទទូចថា ទីក្រុងព្យុងយ៉ាង “មិនបានបាញ់សូម្បីតែមួយគ្រាប់ ចូលទៅក្នុងទឹកដែលពាក់ព័ន្ធ” ។
ប្អូនស្រីរបស់មេដឹកនាំកូរ៉េខាងជើង រូបនេះបានអះអាងថា “ពួកយើងបានធ្វើប្រតិបត្តិការបោកបញ្ឆោត ដើម្បីវាយតម្លៃសមត្ថភាព រកឃើញពិតប្រាកដនៃក្រុមក្មេងទំនើង យោធាកូរ៉េខាងត្បូង (សាធារណរដ្ឋកូរ៉េ)” ៕
ប្រែសម្រួលៈ ណៃ តុលា
