បរទេស ៖ យោងតាមការចេញផ្សាយរបស់ RT ក្រុមអ្នកស៊ើបការណ៍កូរ៉េខាងត្បូង បានចោទប្រកាន់កូរ៉េខាងជើងថា បានផ្តល់អាវុធដល់ក្រុមហាម៉ាស ប៉ុន្តែអះអាងថា ភស្តុតាងគាំទ្រ គឺពិបាកក្នុងការផ្តល់ ខណៈដែលអាមេរិកក៏ បានធ្វើការចោទប្រកាន់ស្រដៀងគ្នានេះ ពីមុនមក ដែលក្រុងព្យុងយ៉ាងបដិសេធ។
ទីភ្នាក់ងារចារកម្មសំខាន់ របស់ទីក្រុងសេអ៊ូល គឺសេវាស៊ើបការណ៍ សម្ងាត់ជាតិ (NIS) បានចេញផ្សាយរូបថត កាលពីថ្ងៃចន្ទ នៃគ្រាប់បែកដៃបាញ់គ្រាប់រ៉ុក្កែត F-7 របស់កូរ៉េខាងជើង ដែលត្រូវគេរាយការណ៍ថា ប្រើដោយក្រុមហាម៉ាស ក្នុងសង្គ្រាមប្រឆាំង នឹងអ៊ីស្រាអែល ។
ទីភ្នាក់ងារដដែលនេះក៏បានអះអាងដែរថា រូបភាព នៃគ្រាប់រ៉ុក្កែត F-7 ដែលត្រូវបានចែករំលែក កាលពីសប្តាហ៍មុន ដោយសារព័ត៌មានរដ្ឋ របស់សហរដ្ឋអាមេរិក Voice of America គឺជារូបភាពពិត។
ទោះបីជាយ៉ាងណាក្តីNIS មិនបានផ្តល់ការពន្យល់អំពីរបៀប ដែលគ្រាប់រ៉ុក្កែតបានបញ្ចប់នៅហ្គាហ្សាទេហើយ ទីភ្នាក់ងារនេះបាននិយាយថា ខ្លួនបានប្រមូល ភស្តុតាងជាក់លាក់ទាក់ទង នឹងទំហំនិងពេលវេលា នៃការផ្គត់ផ្គង់អាវុធរបស់កូរ៉េខាងជើង ដល់ក្រុមហាម៉ាស និងប្រទេសដទៃទៀត ប៉ុន្តែថា បច្ចុប្បន្ននេះវាពិបាកក្នុងការផ្តល់ភស្តុតាងបែបនេះ ដោយសារតែតម្រូវការ ការពារប្រភពព័ត៌មាន និងការពិចារណាលើផ្នែកការទូត៕
ប្រែសម្រួល៖ស៊ុនលី
