ហ្គាហ្សា៖ លោក Yousuf Ali ជាអ្នកជំងឺមហារីកជនជាតិប៉ាឡេស្ទីន នៅតែតស៊ូ ដើម្បីទទួលបានការព្យាបាលសង្គ្រោះជីវិត ខណៈដែលជម្លោះអ៊ីស្រាអែល និងក្រុមហាម៉ាស បានបំផ្លាញតំបន់ហ្គាហ្សាស្ទ្រីបអស់រយៈពេល ១០០ថ្ងៃ។
លោក Ali ដែលទទួលរងនូវជំងឺមហារីកសួត បានឲ្យដឹងថា ស្ថានភាពសុខភាពរបស់លោកកាន់តែយ៉ាប់យ៉ឺន ដោយសារតែការទទួលបានការព្យាបាលមិនត្រឹមត្រូវណាមួយ ចាប់តាំងពីការចាប់ផ្តើមនៃជម្លោះនៅថ្ងៃទី០៧ ខែតុលា ឆ្នាំ២០២៣។
អ្នកជំងឺបានរំលឹកថា “អស់រយៈពេល ៣ឆ្នាំ ខ្ញុំធ្លាប់ទទួលការព្យាបាលតាមកាលកំណត់នៅមន្ទីរពេទ្យនៅ តំបន់វេសបែង និងអ៊ីស្រាអែល ដើម្បីរក្សាស្ថានភាពរបស់ខ្ញុំឱ្យស្ថិតស្ថេរ មុនពេលសង្រ្គាមបានធ្វើឱ្យជីវិតរបស់ខ្ញុំធ្លាក់ចុះ” ។
បុរសអាយុ ៤៤ ឆ្នាំរូបនេះត្រូវបានបង្ខំឱ្យចាកចេញពីផ្ទះរបស់លោក ហើយផ្លាស់ទីលំនៅទៅកាន់ច្រក Rafah ដូចជាអ្នកស្រុកហ្គាហ្សាជាង ១,៩ លាននាក់ ដែលត្រូវបានផ្លាស់ទីលំនៅ។
លោកបានប្រាប់កាសែតស៊ិនហួថា ចាប់តាំងពីពេលនោះមក ការចាប់ផ្តើមនៃជម្លោះ “ខ្ញុំមិនបានទទួលថ្នាំពិសេស ឬការពិនិត្យសុខភាពណាមួយពីអ្នកឯកទេសនោះទេ” ដោយទួញសោកថា ការឈឺចាប់របស់គាត់បានកើនឡើងទ្វេដងដូចពីមុន។
លោកបានលើកឡើងថា “ខ្ញុំកំពុងដើរទៅរកផ្លូវស្លាប់ បន្ដិចម្ដងៗ ហើយគ្មាននរណាម្នាក់យកចិត្តទុកដាក់ ចំពោះយើងជាអ្នកជំងឺនោះទេ” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ជម្លោះដែលស្ថិតស្ថេរបានបង្កគ្រោះថ្នាក់ដល់លោក Samira Ziara អាយុ ៥១ឆ្នាំ ជាអ្នកជំងឺបេះដូង ដែលក៏មិនបានទទួលការព្យាបាលណាមួយចាប់តាំងពីសង្គ្រាមបានផ្ទុះឡើង។
កូនប្រុសរបស់ Samira លោក Kamal Ziara បានប្រាប់កាសែតស៊ិនហួឲ្យដឹងផងដែរ ថា “ជាអកុសល ម្តាយរបស់ខ្ញុំកំពុងឃើញកំណត់ត្រា និងស្ថានភាពដ៏ឈឺចាប់មួយ ដោយសារស្ថានភាពសុខភាពរបស់គាត់កាន់តែយ៉ាប់យ៉ឺន និងកង្វះការថែទាំ និងថ្នាំពេទ្យ ខណៈពេលដែលជំងឺ និងជំងឺរាតត្បាតរីករាលដាលនៅក្នុងទីជម្រក”៕ ប្រែសម្រួល ឈូក បូរ៉ា
