អឺរ៉ុប បង្កើនការគ្រប់គ្រង ជាផ្លូវការលើផ្លែទុរេន នាំចូលពីវៀតណាម

បរទេស ៖ សហភាពអឺរ៉ុប បានប្រកាសពីការបង្កើន ការត្រួតពិនិត្យ ជាផ្លូវការបណ្ដោះអាសន្ន និង វិធានការគ្រាអាសន្ន គ្រប់គ្រង ការចូលក្នុងប្លុកទំនិញ មួយចំនួន រួមទាំងទុរេនពីប្រទេសវៀតណាម ។ អាស្រ័យហេតុនេះ ផ្លែទុរេនមកពីប្រទេស វៀតណាមទាំងផ្លែក្លាសេ និងស្រស់ ជាលើកដំបូងនឹងត្រូវត្រួតពិនិត្យអត្តសញ្ញាណ និងជាក់ស្តែងលើទំនិញ ១០ ភាគរយ។

យោងតាមសារព័ត៌មាន Vietnam News ចេញផ្សាយ នៅថ្ងៃទី១៩ ខែមករា ឆ្នាំ២០២៤ បានឱ្យដឹងថា នៅក្នុងសេចក្តី ប្រកាស សហភាពអឺរ៉ុបបាននិយាយថា ទិន្នន័យពីការជូនដំណឹង និងព័ត៌មានពីប្រព័ន្ធ ព្រមាន រហ័សសម្រាប់អាហារ និងចំណី (RASFF) និងព័ត៌មានទាក់ទងនឹង ការគ្រប់គ្រងជាផ្លូវការដែលធ្វើឡើងដោយរដ្ឋជាសមាជិក បង្ហាញពីភាពអាសន្ន នៃហានិភ័យថ្មីចំពោះសុខភាពមនុស្ស ដោយសារតែការចម្លងរោគ ដែលអាចកើតមាន ដោយសំណល់ថ្នាំ សម្លាប់សត្វល្អិត។ ដូច្នេះហើយ ចាំបាច់ត្រូវមានការកើនឡើង នៃការគ្រប់គ្រងជាផ្លូវការលើទុរេន ពីវៀតណាម ។

ក្រៅពីធុរេន ម្ទេស នៃប្រភេទម្ទេស (ស្រស់ ឬកក) និងមីសួរកញ្ចប់ដែលមានគ្រឿងទេស គ្រឿងទេស ឬទឹកជ្រលក់ពីប្រទេស វៀតណាម ក៏ត្រូវបានបញ្ចូលក្នុងបញ្ជីសម្រាប់ការបង្កើន កម្រិតនៃការគ្រប់គ្រងជាផ្លូវការ ជាមួយនឹងភាពញឹកញាប់ នៃការត្រួតពិនិត្យអត្តសញ្ញាណ និងរូបរាងជាក់ស្តែង ក្នុងអត្រា ៥០ភាគរយ និង ២០ ភាគរយ៕
ប្រែសម្រួលៈ ណៃ តុលា