ប៉េកាំង៖ អតីតនាយករដ្ឋមន្ត្រីបារាំង Laurent Fabius បានឲ្យដឹងថា ចាប់តាំងពីបង្កើតទំនាក់ទំនងការទូតកាលពី ៦០ឆ្នាំមុនមក បារាំងបានចាត់ទុកប្រទេសចិន ជាដៃគូសំខាន់ក្នុងការដោះស្រាយបញ្ហាប្រឈមជាសកល ហើយភាគីទាំងពីរបានប្តេជ្ញាចិត្តក្នុងការអភិវឌ្ឍទំនាក់ទំនងតាមទស្សនៈពិភពលោក។
ដោយកត់សម្គាល់ថាឆ្នាំនេះជាខួបលើកទី៦០ នៃការបង្កើតទំនាក់ទំនងការទូតរវាងប្រទេសទាំងពីរ លោក Fabius ដែលបច្ចុប្បន្នជាប្រធានក្រុមប្រឹក្សាធម្មនុញ្ញបានរំលឹកថា ប្រទេសបារាំងបានក្លាយជាប្រទេសលោកខាងលិចដ៏សំខាន់ដំបូងគេ ដែលទទួលស្គាល់សាធារណរដ្ឋប្រជាមានិតចិន ក្នុងឆ្នាំ១៩៦៤។
លោកបានប្រាប់កាសែតស៊ិនហួ នៅក្នុងបទសម្ភាសន៍ផ្តាច់មុខមួយថា “បារាំងមានភាពក្លាហាន និងវិជ្ជមានបំផុតនៅក្នុងឆ្នាំ១៩៦៤ សម្រាប់ប្រទេសបារាំង ជាប្រទេសលោកខាងលិចដ៏សំខាន់ដំបូងគេ ដែលទទួលស្គាល់ប្រទេសចិន” ។
លោកបានពន្យល់អំពីទិដ្ឋភាព៣ នៃទំនាក់ទំនងមិត្តភាពពិសេសរវាងប្រទេសទាំងពីរ។ ទីមួយ បារាំង និងចិន ទាំងពីរមានទំនាក់ទំនងខ្លាំងនឹងឯករាជ្យភាព។ “វាជាអ្វីដែលសំខាន់នៅក្នុងប្រទេសកំពុងអភិវឌ្ឍ។”
ទីពីរ ប្រទេសទាំងពីរប្តេជ្ញាចិត្តពហុភាគីនិយម និងសន្តិភាព យើងមិនចង់បានគោលនយោបាយប្លុកមួយដោយមានហានិភ័យនៃជម្លោះដែលវារួមបញ្ចូលនោះទេ”។
ទីបី បារាំង និងចិនទាំងពីរគឺជាប្រទេសអរិយធម៌ដ៏អស្ចារ្យជាមួយនឹងបច្ចេកវិទ្យាទំនើប ហើយទាំងពីរគឺជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ៕ ប្រែសម្រួល ឈូក បូរ៉ា
