បរទេស៖ កាសែត Washington Post បានអះអាងថា បណ្តាក្រុមហ៊ុន ដែលមានមូលដ្ឋាននៅកោះតៃវ៉ាន់ បានលក់ឱ្យរុស្ស៊ីដែលមានតម្លៃជាង២០លានដុល្លារ នូវឧបករណ៍ទំនើបៗ ដែលអាចប្រើសម្រាប់ផលិតអាវុធបាន ដោយកត់សម្គាល់ថា វិស័យការពារជាតិរបស់ទីក្រុងម៉ូស្គូ បានបង្កើនការទិញ ក្នុងរយៈពេលប៉ុន្មានខែថ្មីៗនេះ។
យោងតាមសារព័ត៌មាន RT ចេញផ្សាយនៅថ្ងៃទី៣ ខែកុម្ភៈ ឆ្នាំ២០២៤ បានឱ្យដឹងថា ដោយលើកឡើងពី “កំណត់ត្រាពាណិជ្ជកម្ម និងឯកសារពន្ធរបស់រុស្ស៊ី” ដែលទទួលបាន ដោយសារព័ត៌មាន, កាសែត Washington Post បានចង្អុលទៅអង្គភាព នៅក្នុងឧស្សាហកម្មអាវុធរុស្ស៊ី ដែលបានជំរុញប្រតិបត្តិការជាមួយកោះតៃវ៉ាន់ ដោយក្រុមហ៊ុនមួយគឺ I Machine Technology បាននាំចូលឧបករណ៍ម៉ាស៊ីន CNC តម្លៃជាង ២០ លានដុល្លារដែលផលិតនៅលើ កោះចាប់តាំង ពីខែមករាឆ្នាំ២០២៣ ។ ម៉ាស៊ីននេះត្រូវបានគេរាយការណ៍ថា បានបញ្ជូននៅក្នុងការដឹកជញ្ជូន ដាច់ដោយឡែកចំនួន ៦៣ ។
កាសែតបានបន្ថែមថា “ម៉ាស៊ីនដែលផលិតនៅកោះតៃវ៉ាន់ បានរាប់បញ្ចូលស្ទើរតែទាំងអស់ នៃការនាំចូលរបស់ក្រុមហ៊ុនរុស្ស៊ីក្នុងរយៈពេល ៧ខែដំបូងនៃឆ្នាំមុន ហើយការលក់របស់ក្រុមហ៊ុន ក្នុងអំឡុងពេលនោះមានច្រើនលើស លប់ដល់ឧស្សាហកម្មការពារជាតិរុស្ស៊ី” កាសែតបានបន្ថែមថា ទោះបីជា វាមិនបានបញ្ជាក់ពីរបៀបដែលម៉ាស៊ីន CNC ត្រូវបានគេប្រើនោះទេ ៕
ប្រែសម្រួលៈ ណៃ តុលា
