បរទេស៖ ក្រុមសិទ្ធិសត្វបាននិយាយថា សត្វព្រាបមួយក្បាលដែលត្រូវបាន គេសង្ស័យថា បានធ្វើប្រតិបត្តិការចារកម្មក្នុងនាម សាធារណរដ្ឋប្រជាមានិតចិន ត្រូវបានដោះលែងដោយមន្ត្រីឥណ្ឌា បន្ទាប់ពីការឃុំខ្លួនរយៈពេល ៨ខែ បន្ទាប់ពីមានអន្តរាគមន៍ពីអង្គការ PETA ។
យោងតាមសារព័ត៌មាន RT ចេញផ្សាយកាលពីថ្ងៃទី៤ ខែកុម្ភៈ ឆ្នាំ២០២៤ បានឱ្យដឹងថា បក្សីនេះត្រូវបានគេចាប់ឃុំកាលពីខែឧសភាឆ្នាំមុន នៅជិតកំពង់ផែមួយក្នុងទីក្រុងបុមបៃ ប្រទេសឥណ្ឌា បន្ទាប់ពីវាត្រូវបានគេរកឃើញថា មានពាក់ចិញ្ចៀនពីរនៅលើជើងរបស់វា ជាមួយនឹងពាក្យដែលមើលទៅហាក់ដូចជា ភាសាចិនចារនៅលើស្លាបរបស់វា ដែលជំរុញឱ្យមានការព្រួយបារម្ភអំពី ការជាប់ពាក់ព័ន្ធដែលអាច កើតមាននៅក្នុងរឿងចារកម្ម លួចយកការណ៍។
ទោះបីជាយ៉ាងណាក៏ដោយ ទីបំផុតវាត្រូវបានគេកំណត់ថា សត្វព្រាបមិនមានចេតនាទុច្ចរិតចំពោះរដ្ឋឥណ្ឌាទេ ហើយតាមពិតវាគឺជាបក្សីត្រូវបាន គេយកទៅប្រណាំងចំហរហោះឆ្លងទឹកពីកោះតៃវ៉ាន់ ហើយដែលវាបានហោះរត់គេចខ្លួន និងធ្វើដំណើរទៅកាន់ឧបទ្វីបនេះ។
សត្វព្រាបដែលទំនងជាត្រូវបានចាត់ទុកថា ជាហានិភ័យនៃការហោះហើរ ត្រូវបានគេឃុំឃាំងនៅមន្ទីរពេទ្យសត្វមួយកន្លែង មុនពេលការផ្ទេរវាកាលពីសប្តាហ៍មុន ទៅកាន់សមាគម Bombay សម្រាប់ការទប់ស្កាត់អំពើឃោរឃៅចំពោះសត្វ ដែលបុគ្គលិករបស់ពួកគេ បានដោះលែងវាកាលពីថ្ងៃអង្គារ។
អង្គការសិទ្ធិសត្វបាននិយាយ នៅក្នុងសេចក្តីថ្លែងការណ៍មួយ នៅលើគេហទំព័ររបស់ខ្លួនថា “បន្ទាប់ពីបានដឹងថា សត្វព្រាបមួយក្បាលត្រូវបាន គេឃុំឃាំងនៅមន្ទីរពេទ្យសត្វ Bai Sakarbai Dinshaw Petit (BSDPHA) ក្នុងទីក្រុង Parel ជាទ្រព្យសម្បត្តិសម្រាប់រយៈពេលប្រាំបីខែដ៏គួរឱ្យភ្ញាក់ផ្អើល, សមាគមPETA India បានចាប់ផ្តើមធ្វើសកម្មភាពដើម្បីធានាសេរីភាពសត្វស្លាបពីការជាប់ជាឈ្លើយ”។
បន្ទាប់ពីការអន្តរាគមន៍របស់ PETA ប៉ូលីសទីក្រុងបុមបៃបានអនុម័តការដោះលែង សត្វបក្សីដែលត្រូវបានចោទប្រកាន់ខុស ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
