ប៉េកាំង៖ ប្រធានាធិបតីចិន លោក ស៊ី ជីនពីង បានឲ្យដឹងថា ប្រទេសចិន និងរុស្ស៊ី បានទប់ទល់នឹងការសាកល្បងជាច្រើនរួមគ្នាកាលពីអតីតកាល ហើយទំនាក់ទំនងរបស់ពួកគេបានចាប់យកឱកាសអភិវឌ្ឍន៍ថ្មីៗនាពេលអនាគត។
លោក ស៊ី បានធ្វើការកត់សម្គាល់នៅក្នុងការសន្ទនាតាមទូរស័ព្ទជាមួយសមភាគីរុស្ស៊ីលោក វ្លាឌីមៀ ពូទីន នៅមុនថ្ងៃចូលឆ្នាំចិន។ ក្នុងការសន្ទនាតាមទូរស័ព្ទ ប្រមុខរដ្ឋទាំងពីរក៏បានផ្លាស់ប្តូរសារជូនពរថ្ងៃចូលឆ្នាំចិនផងដែរ។
ដោយកត់សម្គាល់ថា ពិធីបុណ្យនិទាឃរដូវរបស់ចិនកាន់តែខិតជិតមកដល់ ហើយបរិយាកាសពិធីបុណ្យមានភាពខ្លាំងក្លា លោក ស៊ី បានឲ្យដឹងថា ប្រជាជនចិន ពោរពេញដោយក្តីសង្ឃឹម និងទំនុកចិត្ត ចំពោះឆ្នាំនាគ ដែលនឹងមកដល់។
ដោយថ្លែងការជូនពរដល់ប្រជាជនចិនដែលរួសរាយរាក់ទាក់ លោកពូទីនបានលើកឡើងថា នាគជានិមិត្តរូបនៃប្រាជ្ញានិងកម្លាំងក្នុងវប្បធម៌ចិន នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកបានជូនពរប្រជាជនចិនឱ្យមានសុភមង្គលក្នុងឆ្នាំរោង ហើយសង្ឃឹមថារាល់ការប្រាថ្នារបស់ពួកគេនឹងបានសម្រេច។
នៅក្នុងការសន្ទនាតាមទូរស័ព្ទ លោក ស៊ី បានឲ្យដឹងថា វាបានក្លាយជាប្រពៃណីដ៏ល្អសម្រាប់លោក ស៊ី និងលោក ពូទីន ក្នុងការផ្លាស់ប្តូរការស្វាគមន៍នៅវេនឆ្នាំ ពិនិត្យមើលសមិទ្ធិផលនៃការអភិវឌ្ឍន៍ទំនាក់ទំនងទ្វេភាគី និងរួមគ្នាទន្ទឹងរង់ចាំទៅអនាគត៕ ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)