បរទេស៖ យន្តហោះពាណិជ្ជកម្ម Bombardier Challenger 600 មួយគ្រឿងបានធ្លាក់លើផ្លូវហាយវេក្នុងរដ្ឋ Florida សហរដ្ឋអាមេរិក កាលពីថ្ងៃសុក្រ។ ការិយាល័យតម្រួតខោនធី Collier បាននិយាយថា យ៉ាងហោចណាស់មនុស្ស ២នាក់បានស្លាប់ និង មានអ្នកនៅរស់មានជីវិត៣នាក់។
យោងតាមសារព័ត៌មាន RT ចេញផ្សាយនៅថ្ងៃទី៩ ខែកុម្ភៈ ឆ្នាំ២០២៤ បានឱ្យដឹងថា យោងតាមរដ្ឋបាលអាកាសចរណ៍សហព័ន្ធ (FAA) , ការធ្លាក់នេះបានកើតឡើងនៅឯ Interstate 75 ក្បែរទីក្រុង Naples ប្រហែលម៉ោង ៣ និង ១៥ នាទីរសៀលម៉ោងក្នុងស្រុក។ យន្តហោះនោះមានមនុស្សជិះ៥នាក់។
ប្រព័ន្ធផ្សព្វផ្សាយក្នុងស្រុករបស់អាមេរិក បានរាយការណ៍ថា ពេលយន្តហោះធ្លាក់ ក៏បានបុកជាមួយរថយន្តមួយគ្រឿងផងដែរ។
យន្តហោះនេះកំពុងធ្វើដំណើរ ពីអាកាសយានដ្ឋានប្រតិបត្តិរដ្ឋ Ohio ទៅកាន់អាកាសយានដ្ឋាន Naples ។
សារព័ត៌មាន NBC2 News បានដកស្រង់លិខិតពី Air Traffic Control ថា អ្នកបើកយន្តហោះបានប្រាប់ពួកគេថា ម៉ាស៊ីនទាំងពីររបស់យន្តហោះ លែងដំណើរការ ៕
ប្រែសម្រួលៈ ណៃ តុលា
![](https://dap-news.com/wp-content/uploads/2020/08/1-1.png)