ប្រេស៊ីល៖ ក្រសួងសុខាភិបាល របស់ប្រទេសប្រេស៊ីល បានចាប់ផ្តើមយុទ្ធនាការ ចាក់វ៉ាក់សាំង ប្រឆាំងនឹងជំងឺគ្រុនឈាម នៅក្នុងស្រុកសហព័ន្ធ ដោយផ្តោតលើក្រុងចំនួន ៥២១ នៅទូទាំងប្រទេស ដែលត្រូវបានកំណត់ថា ជាអាទិភាព។
ប្រេស៊ីល ក្លាយជាប្រទេសដំបូងគេ ក្នុងពិភពលោក ដែលដាក់បញ្ចូលវ៉ាក់សាំង ការពារជំងឺគ្រុនឈាម ទៅក្នុងបណ្តាញសុខភាពសាធារណៈ។
ប្រភពបានឲ្យដឹងថា ជាមួយនឹងការទទួលបាន ៦,៥លានដូសដែលមាននៅក្នុង ឆ្នាំ២០២៤ ក្រសួងសុខាភិបាល នឹងធានានូវការចាក់វ៉ាក់សាំង សម្រាប់សាធារណៈជន គោលដៅទាំងមូល។
លោក Ethel Maciel លេខាធិការអង្កេតសុខភាព និងបរិស្ថានបានឲ្យដឹងថា សាលាក្រុងអាទិភាព នឹងទទួលបានវ៉ាក់សាំងជាលើកដំបូងសម្រាប់កុមារ ដែលមានអាយុពី ១០ ទៅ ១១ឆ្នាំរហូតដល់ចុងខែមីនា។
សញ្ញាព្រមានក្នុងចំណោម បុគ្គលដែលឆ្លងមេរោគ រួមមាន ក្អួតជាប់រហូត និងឈឺពោះ។
អាជ្ញាធរផ្តល់ដំបូន្មាន យ៉ាងមុតមាំ ឱ្យស្វែងរកការយកចិត្តទុកដាក់ខាង វេជ្ជសាស្ត្រជាបន្ទាន់ ក្នុងករណីបែបនេះ ដោយជាតិទឹកត្រូវបានសង្កត់ធ្ងន់ថា ជាការព្យាបាលជាមូលដ្ឋាន៕
ប្រែសម្រួល ឈូក បូរ៉ា
