រ៉ាម៉ាឡា៖ ប្រធានាធិបតីប៉ាឡេស្ទីន នៅថ្ងៃសុក្រ បានថ្កោលទោសសេចក្តីថ្លែងការណ៍ របស់នាយករដ្ឋមន្ត្រី អ៊ីស្រាអែលលោក បេនចាមីន ណេតាន់យ៉ាហ៊ូ ទាក់ទងនឹងផែនការ ចាប់ផ្តើមប្រតិបត្តិការយោធា នៅក្នុងទីក្រុងរ៉ាហ្វា ភាគខាងត្បូងនៃតំបន់ហ្គាហ្សាស្រ្ទីប។
មុននេះ សេចក្តីថ្លែងការណ៍ ដែលចេញដោយការិយាល័យ របស់លោក ណេតាន់យ៉ាហ៊ូ បានឲ្យដឹងថា នាយករដ្ឋមន្ត្រីបានបញ្ជាឱ្យកងទ័ពរៀបចំ ការជម្លៀស នៅច្រករ៉ាហ្វា និងចាប់ផ្តើមប្រតិបត្តិការយោធា ដើម្បីលុបបំបាត់នូវ អ្វីដែលនៅសេសសល់នៃកងពលតូចហាម៉ាស។
សេចក្តីថ្លែងការណ៍ របស់ប្រធានាធិបតីប៉ាឡេស្ទីន បានឲ្យដឹងថា “វាច្បាស់ណាស់ថា ប្រតិបត្តិការយោធាដ៏ធំមួយ នៅតំបន់រ៉ាង្វា នឹងបង្ខំឱ្យយើងជម្លៀស ជនស៊ីវិល ចេញពីតំបន់ប្រយុទ្ធ” ។
សេចក្តីថ្លែងការណ៍នេះ បានធ្វើឱ្យរដ្ឋាភិបាល អ៊ីស្រាអែល និងរដ្ឋបាលសហរដ្ឋអាមេរិក ទទួលខុសត្រូវ ទាំងស្រុង ចំពោះផលវិបាក ដោយសង្កត់ធ្ងន់ លើគ្រោះថ្នាក់នៃគោលនយោបាយ បំផ្លិចបំផ្លាញបែបនេះ។
ប្រធានាធិបតី បានបញ្ជាក់ថា ប្រជាជនប៉ាឡេស្ទីន នឹងមិនបោះបង់ទឹកដីរបស់ខ្លួន ហើយនឹងមិនទទួលយក ការផ្លាស់ទីលំនៅពីប្រទេសកំណើត របស់ពួកគេឡើយ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
លោកបានអំពាវនាវ ឱ្យក្រុមប្រឹក្សាសន្តិសុខ អង្គការសហប្រជាជាតិទទួលបន្ទុករបស់ខ្លួន ដោយសារតែ “ការកាន់កាប់របស់ជំហាននេះគំរាមកំហែង ដល់សន្តិសុខ និងសន្តិភាពនៅក្នុងតំបន់ និងពិភពលោក ហើយនេះលើសពីបន្ទាត់ក្រហមទាំងអស់”៕
ប្រែសម្រួល ឈូក បូរ៉ា
