ការ៉ាកាសៈ រដ្ឋមន្ត្រីការបរទេសវេណេស៊ុយអេឡា លោក Yvan Gil បានឲ្យដឹងថា ប្រទេសកាណាដា ត្រូវតែបញ្ឈប់ការជ្រៀតជ្រែក ចូលកិច្ចការផ្ទៃក្នុងរបស់ប្រទេស វេណេស៊ុយអេឡា ជាការឆ្លើយតបទៅនឹងការបង្ហាញការព្រួយបារម្ភរបស់ប្រទេសកាណាដា ចំពោះការឃុំខ្លួនមេដឹកនាំអង្គការ ក្រៅរដ្ឋាភិបាល នៅក្នុងប្រទេសអាមេរិកខាងត្បូង។
លោកបានលើកឡើងថា “រដ្ឋាភិបាលកាណាដា ដែលជាប់នៅក្នុងអគារឧត្តមភាពរបស់ខ្លួន ដោយជឿថាខ្លួនជាចក្រភព និងពីភាពវេទនាខាងសីលធម៌ ទទូចឱ្យវាយប្រហារប្រទេសវេណេស៊ុយអេឡា”។
អាជ្ញាធរវេណេស៊ុយអេឡាកាលពីថ្ងៃអាទិត្យ បានប្រកាសថា លោកស្រី Rocio San Miguel ប្រធានអង្គការមិនមែនរដ្ឋាភិបាល Ciudadano ត្រូវបានចាប់ខ្លួនពីបទជាប់ពាក់ព័ន្ធរបស់លោកស្រី ទៅនឹងឧក្រិដ្ឋកម្មដូចជាការក្បត់ជាតិ ការសមគំនិត អំពើភេរវកម្ម និងសមាគមឧក្រិដ្ឋកម្ម។
អង្គការមិនមែនរដ្ឋាភិបាលមួយនេះបានឲ្យដឹងថា ខ្លួនមានគោលបំណងលើកកម្ពស់ និងអនុវត្តការត្រួតពិនិត្យពលរដ្ឋលើបញ្ហាសន្តិសុខ ការពារជាតិ និងកងកម្លាំងប្រដាប់អាវុធជាតិ។
ដោយបង្ហាញពីការព្រួយ បារម្ភរបស់រដ្ឋាភិបាលកាណាដា ចំពោះការចាប់ខ្លួន ស្ថានទូតកាណាដាប្រចាំនៅវេណេស៊ុយអេឡាបាននិយាយថា “យើងអំពាវនាវឱ្យមានការអនុវត្តពេញលេញនៃកិច្ចព្រមព្រៀង Barbados” ដោយសំដៅលើកិច្ចពិភាក្សារវាងរដ្ឋាភិបាលវេណេស៊ុយអេឡា និងក្រុមប្រឆាំងនៅក្នុងខែតុលា ឆ្នាំ២០២៣៕
ប្រែសម្រួល ឈូក បូរ៉ា
