បរទេស៖ យោងតាមការចេញផ្សាយ របស់ RT ប្រធានាធិបតីប្រេស៊ីលលោក Luiz Inacio Lula da Silva កាលពីថ្ងៃចន្ទបានស្នើឱ្យ ឯកអគ្គរដ្ឋទូត របស់គាត់ប្រចាំនៅទីក្រុង Tel Aviv ត្រឡប់ទៅកាន់ប្រទេសកំណើតវិញ សម្រាប់ការពិគ្រោះយោបល់។
ការសម្រេចចិត្តនេះ បានកើតឡើង បន្ទាប់ពីអ៊ីស្រាអែល បានប្រកាសថាលោក Lula ថាជាpersona non grata ជុំវិញការអត្ថាធិប្បាយ របស់គាត់អំពីហ្គាហ្សា។
ប្រធានាធិបតី ត្រូវបានដកស្រង់សម្តី ដោយប្រព័ន្ធផ្សព្វផ្សាយ ប្រេស៊ីល កាលពីចុងសប្តាហ៍ថា បានប្រដូចសកម្មភាព របស់អ៊ីស្រាអែល នៅហ្គាហ្សា ទៅនឹងពេលវេលាមួយ នៅពេលដែលហ៊ីត្លែរ សម្រេចចិត្តសម្លាប់ជនជាតិយូដា ដោយសំដៅទៅលើ ការសម្លាប់រង្គាល ក្នុងកំឡុង សង្គ្រាមលោកលើកទីពីរ។
គួរឲ្យដឹងដែរថាមុននោះ រដ្ឋមន្ត្រីការបរទេស អ៊ីស្រាអែល លោក Israel Katz ក៏បានឆ្លើយតបដោយ ការកោះហៅឯកអគ្គរដ្ឋទូត ប្រេស៊ីល Frederico Meyer សម្រាប់ការតវ៉ាមិនពេញចិត្ត៕
ប្រែសម្រួល៖ស៊ុនលី
