បរទេស៖ យោងតាមការចេញផ្សាយ របស់ RT ឧត្តមសេនីយឯក Igor Kirillov បានអះអាងថា រដ្ឋាភិបាលទីក្រុងវ៉ាស៊ីនតោន និងទីក្រុងគៀវ បានបំពានលើមាត្រា របស់អង្គការហាមឃាត់ អាវុធគី មីហៅកាត់ថា OPCWខណៈដែលកងកម្លាំងអ៊ុយក្រែន បានប្រើប្រាស់អាវុធនេះ ខុសច្បាប់នៅលើសមរភូមិ។
ប្រមុខកងកម្លាំងការពារ នុយក្លេអ៊ែរ ផ្នែកកិច្ចការងារគីមីសាស្ត្រ និងជីវសាស្រ្តរបស់រុស្ស៊ី បានផ្តល់ឧទាហរណ៍ជាច្រើន នៃការចោទប្រកាន់របស់ទីក្រុងគៀវ អំពីការប្រើប្រាស់អាវុធគីមី ហាមឃាត់ និងភ្នាក់ងារគីមី មិនសម្លាប់ ដែលលោកបាននិយាយថា ទទួលបានពីសហរដ្ឋអាមេរិក។
លោក Kirillov បានអះអាងថាអ៊ុយក្រែន បានថែមទាំងប្រើ យន្តហោះគ្មានមនុស្សបើក ដើម្បីទម្លាក់គ្រាប់បែកឧស្ម័ន ផលិតដោយសហរដ្ឋអាមេរិក កាលពីថ្ងៃទី ២៨ធ្នូឆ្នាំ ២០២៣ដែលមានសមាសធាតុ CS ដែលជាសារធាតុគីមី ដែលត្រូវបានចាត់ថ្នាក់ ជាឧបករណ៍គ្រប់គ្រងកុប្បកម្ម ដែលធ្វើឱ្យរលាកភ្នែក និងរលាកផ្លូវដង្ហើម ផ្នែកខាងលើ ហើយអាចបណ្តាលឱ្យរលាកស្បែក ពិបាកផ្លូវដង្ហើមនិងការគាំងបេះដូងនៅជាដើម៕
ប្រែសម្រួល៖ស៊ុនលី
