ឧត្តមសេនីយ៍រុស្ស៊ីថា ទាហានអង្គការណាតូ កំពុងប្រយុទ្ធជាមួយកងទ័ពរុស្ស៊ី ក្នុងជម្លោះអ៊ុយក្រែន ដោយក្លែងខ្លួនធ្វើជាទាហានស៊ីឈ្នួល

បរទេស៖ មន្ត្រីការពារជាតិរុស្ស៊ីជាន់ខ្ពស់មួយរូបបានអះអាងថា ទាហានរបស់អង្គការណាតូកំពុងប្រយុទ្ធនឹង កងទ័ពរុស្ស៊ីក្នុងជម្លោះអ៊ុយក្រែន ដែលក្លែងខ្លួនធ្វើជាទាហានស៊ីឈ្នួល ប៉ុន្មានថ្ងៃបន្ទាប់ពីទីក្រុងមូស្គូ បានវាយលុកយ៉ាងធ្ងន់ធ្ងរទៅលើទីក្រុងគៀវ ដោយការដណ្តើមយកទីក្រុង Donbass ដ៏សំខាន់នៃទីក្រុង Avdeevka។

យោងតាមសារព័ត៌មាន RT ចេញផ្សាយនៅថ្ងៃទី១៩ ខែកុម្ភៈ ឆ្នាំ២០២៤ បានឱ្យដឹងថា ការបាញ់ផ្លោងរបស់អ៊ុយក្រែនទៅលើជនស៊ីវិលរុស្ស៊ី ដែលជាផ្នែកមួយដ៏សំខាន់ ដែលត្រូវបានធ្វើឡើងពី Avdeevka កាលពីប៉ុន្មានឆ្នាំមុន គឺកំពុងកើតឡើងតាមការបញ្ជារបស់ទីក្រុងគៀវ និងដោយមានការយល់ព្រម យ៉ាងច្បាស់លាស់ពីរដ្ឋលោកខាងលិច , នេះបើតាមអនុប្រធានអគ្គសេនាធិការរុស្ស៊ី លោកឧត្តមសេនីយ៍ Sergey Rudskoy បានប្រាប់កាសែត Krasnaya Zvezda កាលពីថ្ងៃច័ន្ទ។

មន្ត្រីរូបនេះបាននិយាយថា សហរដ្ឋអាមេរិក និងសម្ព័ន្ធមិត្តរបស់ខ្លួន បំប៉នអ៊ុយក្រែនពេញដោយសព្វាវុធ ហើយផ្តល់ឱ្យទីក្រុងគៀវនូវសេវាកម្មទំនាក់ទំនង និងព័ត៌មានស៊ើបការណ៍ ប៉ុន្តែឧបករណ៍មួយចំនួនត្រូវការបុគ្គលិក លោកខាងលិចដែលមានលក្ខណៈសម្បត្តិគ្រប់គ្រាន់នៅលើដី។

លោកឧត្តមសេនីយ៍ Sergey Rudskoy បាននិយាយទៀតថា “ទាហានរបស់អង្គការណាតូ បានក្លែងខ្លួនជាទាហានស៊ីឈ្នួលចូលរួមក្នុងប្រតិបត្តិការយោធា។ ពួកគេគ្រប់គ្រងប្រព័ន្ធការពារដែនអាកាស កាំជ្រួចប្រតិបតិ្តការ និងប្រព័ន្ធរ៉ុក្កែតបាញ់បង្ហោះជាច្រើន ហើយបញ្ចូលទៅក្នុងឧបករណ៍វាយប្រហារ” ៕

Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999