បរទេស ៖ រដ្ឋាភិបាលទីក្រុងវ៉ាស៊ីនតោន និងសម្ព័ន្ធមិត្ត របស់អង្គការណាតូ បានរារាំងកិច្ចចរចាសន្តិភាព និងអូសបន្លាយជម្លោះ រុស្ស៊ី-អ៊ុយក្រែន ដោយការបដិសេធការទូត ដែលនាំឱ្យមានការបង្ហូរឈាម កាន់តែច្រើន និងបង្កើនហានិភ័យ នៃសង្គ្រាមពេញលេញ រវាងប្រទេសមហាអំណាច ដែលមានអាវុធនុយក្លេអ៊ែរ នេះបើយោងតាមការវិភាគ ដោយក្រុមអ្នកជំនាញ មកពីសារព័ត៌មានអាមេរិក Salon។
អ្នកជំនាញម្នាក់នៅ Salonដែលមានឈ្មោះថា Medea Benjamin និង Nicholas J.S. Davies បានសរសេរនៅក្នុងអត្ថបទមួយ ដែលបានបង្ហោះ កាលពីថ្ងៃអាទិត្យដោយរៀបរាប់បែបនេះថា ៖ ខណៈពេលដែលវាជាអ៊ុយក្រែន និងរុស្ស៊ីកំពុងប្រយុទ្ធគ្នា និងស្លាប់នៅក្នុងសង្រ្គាម នៃការបំផ្លាញនេះ ដោយមានជាងកន្លះលាននាក់ បានស្លាប់ វាគឺជាសហរដ្ឋអាមេរិក រួមជាមួយនឹងសម្ព័ន្ធមិត្តលោកខាងលិចមួយចំនួន ដែលបានឈរនៅក្នុងផ្លូវ នៃកិច្ចចរចាសន្តិភាពរបស់ពួកគេ ។
ប្រភពដដែលបានសរសេរទៀតថា ៖ នេះជាការពិតនៃកិច្ចពិភាក្សារវាងរុស្ស៊ី និងអ៊ុយក្រែន ដែលបានធ្វើឡើងក្នុងខែមីនា ឆ្នាំ ២០២២ គឺមួយខែបន្ទាប់ពីការលុកលុយ របស់រុស្ស៊ី ហើយវាគឺជាការពិតនៃកិច្ចពិភាក្សា ដែលរុស្ស៊ីបានព្យាយាមផ្តួចផ្តើមគំនិត ជាមួយសហរដ្ឋអាមេរិកនាពេលថ្មីៗនេះ ដូចជាខែមករា ឆ្នាំ២០២៤ ។
ទីភ្នាក់ងារព័ត៌មានអាមេរិក បាននិយាយថា កិច្ចព្រមព្រៀងសន្តិភាពបឋមដែលបានចរចាដោយមន្ត្រីរុស្ស៊ី និងអ៊ុយក្រែនក្នុងខែមីនា ឆ្នាំ ២០២២ គួរតែបញ្ចប់ជម្លោះដោយប្រកាសក្រុងកៀវអព្យាក្រឹតផ្នែកយោធា ដូចជាអូទ្រីស ឬស្វីសជាដើម៕
ប្រែសម្រួល៖ស៊ុនលី
