អ.ស.ប៖ លោក Maurizio Martina អគ្គនាយករងនៃអង្គការស្បៀងអាហារនិងកសិកម្ម ហៅកាត់ថា (FAO) បានព្រមានកាលពីថ្ងៃអង្គារថា ហេដ្ឋារចនាសម្ព័ន្ធកសិកម្មនៅតំបន់ហ្គាហ្សា ត្រូវបានបំផ្លិចបំផ្លាញ ។
លោក Martina បានគូសបញ្ជាក់នៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ (UN) ស្តីពីការការពារជនស៊ីវិលក្នុងជម្លោះប្រដាប់អាវុធ នូវផលវិបាកធ្ងន់ធ្ងរសម្រាប់វិស័យកសិកម្មក្នុងតំបន់ ដែលជា #ប្រភពផ្គត់ផ្គង់ និងប្រាក់ចំណូលដ៏សំខាន់# សម្រាប់ប្រជាជនរបស់ខ្លួន ។
លោក Martina បានថ្លែងថា “ការរកឃើញសំខាន់ៗគឺមានបញ្ហា” ដោយបង្ហាញពន្លឺលើការខូចខាតយ៉ាងធ្ងន់ធ្ងរដែលបានកើតឡើងលើទេសភាពកសិកម្មនៅតំបន់ហ្គាហ្សា ។
លោកបានរៀបរាប់លម្អិតអំពីចំនួនអ្នកស្លាប់សំខាន់ៗនៃជម្លោះនេះ ចាប់តាំងពីការថយចុះនៃឧស្សាហកម្មនេសាទ ដែលជាប្រភពចិញ្ចឹមជីវិតដ៏សំខាន់សម្រាប់មនុស្សជាង១០០.០០០នាក់រហូតដល់អត្រាមរណភាពដ៏គួរឱ្យព្រួយបារម្ភក្នុងចំណោមសត្វពាហនៈដោយសារការវាយប្រហារតាមផ្លូវអាកាស និងកង្វះខាតធនធានសំខាន់ៗដូចជាទឹក និងចំណី ។
លោក Martina បានរាយការណ៍ថា គិតត្រឹមថ្ងៃទី១៥ ខែកុម្ភៈ ជិតពាក់កណ្តាលនៃដីបង្កបង្កើនផលនៅតំបន់ហ្គាហ្សា បានរងការខូចខាត ។ ការបំផ្លិចបំផ្លាញនៃហេដ្ឋារចនាសម្ព័ន្ធកសិកម្មគឺ “រីករាលដាល” ជាមួយនឹងកសិដ្ឋានចិញ្ចឹមចៀម និងគោយកទឹកដោះ ក្នុងចំណោមការរងគ្រោះខ្លាំងបំផុត ។
លោកបានកត់សម្គាល់ថា ជាង១/៤នៃអណ្តូងក្នុងតំបន់ត្រូវបានបំផ្លាញ ដែលប៉ះពាល់យ៉ាងខ្លាំងដល់លទ្ធភាពទទួលបានទឹកនៅក្នុងតំបន់ហ្គាហ្សាខាងជើង និងទីក្រុងហ្គាហ្សា ។ លើសពីនេះទៅទៀត ផ្ទះកញ្ចក់ទំហំ៣៣៩ហិកតា ដែលមានសារៈសំខាន់សម្រាប់ការដាំដុះដំណាំផ្សេងៗ “ដួលរលំ” ជាពិសេសនៅក្នុងទីក្រុង ហ្គាហ្សា ហ្គាហ្សាខាងជើង និងក្រុង Khan Younis ៕ ប្រែសម្រួលដោយ៖ ម៉ៅ បុប្ផាមករា
